وفاقی وزیر ریلوے شیخ رشید نے کہا ہے کہ وزیراعظم عمران خان دیانتدار ہیں۔

تفصیلات کے مطابق ملتان میں وزیر ریلوے شیخ رشید نے ایئر پورٹ پرمیڈیا سے گفتگو کرتے ہوئے کہا ہے کہ ملک میں مہنگائی ہے اور میں اس بات کو تسلیم کررہا ہوں۔

اس ضمن میں شیخ رشید نے کہا ہے کہ وفاقی کابینہ میں ملک میں بڑھتی ہوئی مہنگائی کے حوالے سے بات چیت ہوئی ہے اور جلد اس پر قابو بھی پالیا جائیگا۔

وفاقی وزیر کا کہنا تھا کہ 31 دسمبر سے پہلے جھاڑو پھرے گا 20 جنوری تک سکون ہوجائیگا کیونکہ عمران خان دیانتدار ہے۔

ان کا کہنا تھا کہ 126 دن میں اپوزیشن تحریک انصاف حکومت نہ گراسکی ہے تو اب اپوزیشن کے دھرنے سے بھی کچھ نہیں ہوگا۔

میاں شیخ رشید کا کہنا تھا کہ شہباز شریف اس سیاست کا حصہ نہیں بننا چاہتے ہیں اور اسی لئے شہباز شریف نے خود اپنی بیل واپس لی ہے، یقینناً بلاول سمجھ داری سے کام لے گا۔

وفاقی وزیر نے مزید کہا ہے کہ جلسوں میں مجمہ تو مولانا کا ہوگا لیکن پھر بھی 2 دن بعد پتہ چل جائیگا پورے پاکستان سے کتنے لوگ جمع ہوتے ہیں۔

انہوں نے دعوے کے ساتھ کہا ہے کہ گجرانوالہ میں عمران خان کے مینار پاکستان جلسے سے کم لوگ ہونگے اور سینیٹ میں بھی عمران خان کی اکثریت ہوگی۔