لاہور موٹر وے زیادتی کیس میں ملوث ملزم عابد کی گرفتاری کے حوالے سے ایک اہم پیش رفت سامنے آئی ہے۔

تفصیلات کے مطابق ملزم عابد کی گرفتاری کے حوالے سے ملزم کے والد اکبر علی نے ایک بڑا دعوی کرتے ہوئے کہا ہے کہ  عابد کو پولیس نے گرفتار نہیں کیا بلکہ اس نے خود کو گرفتاری کیلئے پیش کیا ہے۔

ویڈیو پیغام میں اکبرعلی کا کہنا تھا کہ بیٹے نے ان سے رابطہ کر کے بتایا کہ وہ گرفتاری دینا چاہتا ہے جس کے بعد باپ نے ملزم عابد کو اپنے پاس مانگا منڈی بلایا۔اور گواہ خالد بٹ کی موجودگی میں پولیس کےحوالے کیا۔

خیال رہے کہ لاہور موٹر وے پر پیش آنے والے واقعہ میں ملوث مرکزی ملزم عابد علی کی گرفتاری کے حوالے سے پولیس کی جانب سے اہم پیشرفت سامنے آئی ہے،پولیس نے عابد ملہی کو 33 دن بعد گرفتار کیا گیا۔

پولیس نے اپنے بیان میں کہا کہ موٹر وے زیادتی کیس میں ملوث مرکزی ملزم عابد علی کو فیصل آباد سے گرفتار کیا گیا ہے۔

بعد ازاں پولیس نے اپنے بیان میں کہا کہ موٹر وے زیادتی کیس میں ملوث مرکزی ملزم عابد ملہی نے دوران تفتیش اعتراف جرم کرلیا، عابد ملہی کا ڈی این اے ٹیسٹ کے ساتھ پولی گرافک ٹیسٹ بھی کیا جائے گا۔

یاد رہے کہ لاہور موٹر وے پر پیش آنے والے واقعہ کو 12 روز گزرنے کے باوجود بھی ملزم عابد کی گرفتاری کے حوالے سے پولیس نے عوامی آگاہی کے لئے ویڈیو اور مراسلہ بھی جاری کیا تھا جس میں بتایا گیا ہے کہ ملزم ممکنہ طورپردرباروں ، مزاروں، مساجد اور امام بارگاہوں میں روپوش ہوسکتا ہے۔

مراسلہ کے مطابق ملزم کےحوالےسے ویڈیو کلپ کیبلز پر بھی نشر کرنے کی اعلان کر دیا گیا ہے جبکہ پولیس نے عابد کو رواں سال کا موسٹ وانٹڈ ملزم بھی قرار دے دیا ہے۔