کراچی میں کورونا وائرس کے بڑھتے ہوئے کیسز کے پیش نظر حکومت نے منگھوپیر   اور بلدیہ  کے بعد ضلع وسطی میں بھی لاک ڈاؤن  کرنے کا فیصلہ  کرلیا۔

تفصیلات کے مطابق کورونا وائرس کے بڑھتے ہوئے کیسز کے باعث ضلع وسطی کے 48 مقامات پر دو ہفتوں  کے لیے مائیکرو اسمارٹ لاک ڈاؤن نافذ کرنے کا فیصلہ کیا گیا ہے۔

لاک ڈاؤن نافذ کرنے والے علاقوں میں نارتھ کراچی کے 4 مقامات،نارتھ ناظم آباد کے 21 مقامات ،لیاقت آباد کے 9 اور گلبرگ کے 12 مقامات پر مائیکرو اسمارٹ لاک ڈاؤن پر عملدرآمد شروع ہوگیا۔

مائیکرو اسمارٹ لاک ڈاون ڈسٹرکٹ ہیلتھ آفیسر کی سفارش پر لگایا گیا ہے۔متعلقہ حکام کو ایس او پیز پر عملدرآمد کی سخت ہدایات جاری کی گئی ہیں۔

مائیکرو اسمارٹ لاک ڈاؤن کے مقامات پر ماسک کے استعمال کی پابندی لازمی قرار دی گئی ہے۔

مائیکرو اسمارٹ لاک ڈاؤن کے مقامات پر کاروبار بند رکھنے کے بھی احکامات جاری کیے گئے ہیں۔میڈیکل اسٹور اور ضروری اشیاء کی دکانیں مخصوص ٹائمنگ  میں کھولنے کی اجازت ہوگی۔

مائیکرو  اسمارٹ لاک ڈاؤن کے مقامات پر رکشہ ، ٹیکسی سمیت آن لائن پبلک ٹرانسپورٹ سروس  بھی بند رہے گی۔

اسٹنٹ کمشنرز ، ڈسٹرکٹ ہیلتھ آفیسر ، رینجرز اور پولیس کو متعلقہ مقامات پر ایس او پیز پر سختی سے عملدرآمد کرانے کے احکامات جاری کیے گئے ہیں۔

متعلقہ مقامات پر شہریوں کو غیر ضروری گھر سے نہ نکلنے کی ہدایت کی گئی ہے۔گھر کے ایک فرد کو ضروری اشیاء کی خریداری کے لیے نکلنے کی اجازت ہوگی۔