پاکستان پیپلزپارٹی کے چیئرمین بلاول بھٹو زرداری اور مسلم لیگ ن کی نائب صدر مریم نواز کے درمیان ٹیلی فونک رابطہ ہوا ہے۔

تفصیلات کے مطابق چیئرمین بلاول بھٹو زرداری نے کیپٹن (ر) صفدر کی گرفتاری کی شدید الفاظ میں مذمت کی ہے۔

بلاول نے مریم نواز سے کہا کہ مجھے کیپٹن صفدر کی گرفتاری کی خبر سن کر شدید صدمہ ہوا، میں اس تکلیف دہ گھڑی میں آپ کے ساتھ مکمل اظہار یکجہتی کرتا ہوں۔

انھوں نے کہا کہ رات گئے یوں اس طرح کی گرفتاری سندھ کی روایات کے بھی منافی ہے
پی پی پی اور سندھ حکومت کو گرفتاری کے سلسلے میں ہونے والی پیش رفت سے آگاہ نہیں کیا گیا۔

چیئرمین بلاول بھٹو زرداری نے مریم نواز سے مزید کہا کہ میں نے وزیراعلی سندھ کو ہدایات جاری کی ہیں کہ واقعے کی مکمل تحقیقات ہوں۔