وزیر ریلوے شیخ رشید احمد کا کہنا ہے کہ ہم ایم ایل ون منصوبے کے لیے چینی اشتراک پر بے حد مشکور ہیں۔
تفصیلات کے مطابق وزیر ریلوےشیخ رشیداحمد سے پاکستان میں تعینات چین کے نئے سفیر نونگ رونگ نے ملاقات کی۔
وزیر ریلوے نے پاکستان میں تعینات نئے چینی سفیر کو وزارت ریلوے آنے پر خوش آمدید کہا اور پھولوں کا گلدستہ پیش کیا۔
ملاقات میں پاکستان چین تعلقات اور ریل منصوبوں پر بات چیت کی گئی اور ریلوے کے کراچی پشاور مین لائن ون منصوبے کی جلد تکمیل کے لیے کوششیں تیز کرنے پر اتفاق کیا گیا۔
اس موقع پر وزیر ریلوے نے کہا کہ پاکستان اور چین کے درمیان لازوال دوستی باہمی اعتماد اور بھروسے پر قائم ہے۔
Advertisement
شیخ رشید نے کہا کہ ایم ایل ون منصوبے کے لیے چینی اشتراک پر بے حد مشکور ہیں۔ایم ایل ون منصوبے سے پاکستان میں ریل کے شعبے میں انقلاب آئے گا ،روزگار اور کاروبار کے نئے مواقع بھی میسر آئیں گے۔
چینی سفیر نے کہا کہ سی پیک منصوبہ دونوں ممالک کے درمیان دیرینہ تعلقات کا مظہر ہے۔
چینی سفیر نے پاکستان چین تعلقات میں مزید بہتری کے لیے نیک خواہشات کا اظہار کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
