نیب، اینٹی کرپشن اور ایف آئی اے اب آزادانہ کام کررہے ہیں، شہزاد اکبر

عروبہ خان

12th Nov, 2020. 09:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیب، اینٹی کرپشن اور ایف آئی اے اب آزادانہ کام کررہے ہیں، شہزاد اکبر

وزیراعظم کے معاون خصوصی شہزاد اکبر نے کہا ہے نیب، اینٹی کرپشن اور ایف آئی اے اب آزادانہ کام کررہے ہیں جس کو مسئلہ ہے ان کے خلاف درخواست دیں۔

تفصیلات کے مطابق وزیراعظم کے معاون خصوصی شہزاد اکبر نے میڈیا گفتگو کرتے ہوئے کہا ہے کہ شہباز شریف فیملی پر فرد جرم عائد ہوچکی ہے جس کی وجہ سے کرپٹ ٹولے کی اب مزید چیخیں سنائی دیں گی۔

انہوں نے کہا ہے کہ مسلم لیگ ن کے بیانیے کا فراڈ کھل کے سامنے آگیا ہے، گھیرا تنگ ہونے کیوجہ سے ان کی چیخیں بڑھ رہی ہیں اور آنے والے دنوں میں مزید بڑھیں گے۔

شہزاد اکبر نے کہا ہے کہ ایک طرف وہ کہتے ہیں ہم آئینی ادارے سے بات کریں گے ایک طرف آپ کہتے ہیں ہم فوج سے بات کریں گے لیکن اصل میں یہ چاہتے ہیں ان کو این آر او ملے اور یہ پھر حکومت میں ہوں۔

ان کا کہنا تھا کہ پیپلز پارٹی اور مسلم لیگ ن دو علاقائی جماعتیں رہ گئیں ہیں،بلاول اور مریم بچے ہیں یہ آپس میں کھیل رہے ہیں اور عمران خان تک پہنچنے میں انہیں وقت لگے گا۔

انہوں نے کہا کہ ایک طرف کہتے ہیں گزشتہ ادوار میں حکومتوں کو غیر قانونی طریقے سے گرائی گئیں دوسری جانب کہا جارہا ہے کہ اس منتخب حکومت کو ختم کریں۔