کشمور واقعے میں انسانیت کی مثال قائم کرنے والے اے ایس آئی محمد بخش کا اہم بیان سامنے آگیا۔
تفصیلات کے مطابق اے ایس آئی محمد بخش نے میڈیا سے گفتگو کرتے ہوئے بتایا کہ تبسم بی بی تھانے پہنچی تو میں نے اسے سنجیدہ نہیں لیا۔خاتون میرے پیچھے گھر تک پہنچ گئی اور رونے لگی تو مجھے بھی ترس آ گیا۔
اے ایس آئی نے مزید بتایا کہ تبسم خاتون کے پاس ملزمان کے سوائے ایک بند نمبر کے کچھ نہیں تھا۔متاثرہ خاتون نے بتایا کہ ملزمان نے دوسری بچی فراہم کرنے کی شرط پر میری بیٹی کی رہائی کا کہا ہے۔
محمد بخش نے بتایا کہ تب میں نے اپنی اہلیہ اور بیٹی سے مدد لینے کا سوچا۔ ملزم کا نمبر کھلنے پر تبسم خاتون اور میری بیٹی نے ان سے گفتگو کر کے ان کی بتائی جگہ پر آنے کی رضامندی ظاہر کی۔
انہوں نے مزید بتایا کہ تبسم خاتون رکشے میں میری بیٹی کے ہمراہ پہلے ہوٹل بعد میں سٹی پارک پہنچے۔ ہم مسلسل ان کے پیچھے بیک اپ اور ملزمان کے تعاقب میں تھے۔ اس طرح ہم نے ملزم رفیق ملک کو جکڑ لیا اور اس کی نشاندہی پر گھر پر چھاپے مارے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
