صدر مملکت ڈاکٹر عارف علوی نے کہا ہے کہ پاکستان قطر کیساتھ مختلف شعبوں میں تعاون کو مزید وسعت دینا چاہتا ہے۔

تفصیلات کے مطابق صدر ڈاکٹر عارف علوی سے قطر کی فضائیہ کے سربراہ کی ملاقات ہوئی ہے جس میں ایئر چیف مجاہد انور خان اور قطر کے سفیر سعود عبدالرحمان بھی ملاقات میں موجود رہے ہیں۔

ملاقات کے دوران صدر مملکت عار علوی نے کہا ہے کہ دفاع اور فوجی تربیت کے شعبوں میں دوطرفہ تعاون کی صلاحیت موجود ہے۔

انہوں نے کہا ہے کہ قطر کے سرمایہ کار پاکستان میں دستیاب مواقعوں سے فائدہ اٹھائیں۔

یاد رہے کہ اس سے قبل پاک فوج کے شعبہ تعلقات عامہ (آئی ایس پی آر) کے مطابق  آرمی چیف جنرل قمر جاوید باجوہ سے قطر امیری ایئر فورس کے سربراہ  نے ملاقات کی۔

ملاقات میں علاقائی سلامتی کی صورتحال پر بات چیت   کی گئی۔

اس موقع پر آرمی چیف نے کہا کہ  پاکستان قطر سے برادرانہ تعلقات کو قدر کی نگاہ سے دیکھتا ہے۔  پاک فوج قطر کے ساتھ دفاعی تعلقات کا فروغ چاہتی ہے۔

کمانڈر قطر امیری ایئر فورس نے خطے کے امن و استحکام کے لیے پاک فوج کی کوششوں  اور  قطر کی مسلح افواج کی تربیت میں پاک فوج کے تعاون کو سراہا۔

یاد رہے کہ اس سے قبل کمانڈر قطر امیری ایئرفورس  کے سربراہ نے نیول چیف ایڈمرل امجد خان نیازی سے  بھی ملاقات  کی تھی ۔

ملاقات میں باہمی دلچسپی کے امور سمیت سیکیورٹی صورتحال پر تبادلہ خیال کیا گیا تھا۔