پی آئی اے کی جانب سے اصلاحات اور احتساب کا عمل جاری رکھتے ہوئے 38 ملازمین کے خلاف ایکشن لے لیا گیا ہے۔

تفصیلات کے مطابق پی آئی اے نے اکتوبر کے مہینے میں 38 ملازمین کے خلاف ایکشن لیتے ہوئے شبعہ ہیومن ریسورس نے ملازمین کے خلاف کی جانے والی کارروائی کی فہرست جاری کر دی ہے۔

ایکشن لیتے ہوئے پی آئی اے نے جعلی تعلیمی اسناد کے حامل 05 ملازمین کو ملازمت سے فارغ کر دیا ہے جبکہ بغیر اطلاع کے کئی عرصے سے غیر حاضر 06 ملازمین کو فارغ کر دیا ہے۔

پی آئی اے کی جانب سے سرکاری معلومات غیر قانونی طور پر افشا کرنے ہے ایک ملازم کو برطرف کر دیا گیا ہے جبکہ بدعنوانی اور غبن میں ملوث پانچ ملازمین کو برخاست کر دیا ہے۔

ادارے نے اسمگلنگ میں ملوث ایک ملازم کو برطرف کر دیا ہے اور سرکاری دستاویزات کی چوری اور ریکارڈ کو نقصان پہنچانے پر پانچ ملازمین کو برخاست کیا گیا ہے۔

پی آئی اے نے احکامات کے مطابق کام نہ کرنے پر تین ملازمین کی تنزلی کر دی ہے جبکہایس او پیز کی خلاف ورزی کر نے والے پانچ ملازمین کی تنخواہ میں کمی کر دی ہے۔

اس ضمن میں پی آئی اے کی جانب سے ات ملازمین کو تادیبی خطوط جاری کئے گئے ہیں جبکہ دس ملازمین ضابطے کی کاروائی کے بعد بے قصور پائے گئے ہیں۔

علاوہ ازیں پی آئی اے نے اچھی کارکردگی کے حامل 11ملازمین کو تعریفی اسناد بھی جاری کیں جبکہ 05 ملازمین کو کیش ایوارڈ بھی دئیے۔

اس حوالے سے ترجمان پی آئی اے عبداللہ خان کا کہنا تھا کہ تمام کاروائیاں قانون اور ضابطے کی قواعد پورے کرکے کی گئیں اور  بغیر کسی دباو کے سزا جزا کا عمل جاری ہے اور جاری رہے گا۔