کراچی کے ضلع غربی میں اسمارٹ لاک ڈاؤن کی پیشن نظر پابندیاں عائد کردیں گئیں ہیں۔

تفصیلات کے مطابق کورونا وائرس کے پھیلاؤ اور این سی او سی کی ہدایات کے  پیش نظر ڈپٹی کمشنر غربی نے ضلع بھر میں پابندیاں عائد کردیں گئی ہیں۔

اس ضمن میں حکمنامہ بھی جاری کردیا گیا ہے جس کے مطابق اسمارٹ لاک ڈاؤن آج 3 نومبر سے تا حکم ثانی نافذ العمل رہے گا۔

تمام شادی ہالز، ریسٹورنٹ اور شاپنگ مالز رات دس بجے بند کردئیے جائیں گی جبکہ اسپتال، میڈیکل اسٹور اور صحت عامہ کی سہولت فراہم کرنے والے ادارے پابندی سے مستثنی ہوں گے۔

تمام محدود مقامات پر ماسک پہننا لازمی ہوگا اور پبلک ٹرانسپورٹ، بس اسٹاپ اور مارکیٹوں میں لازمی ماسک پہننا ہوگا۔

تمام تفریحی گاہیں اور پارکس شام 6 بجے بند کردی جائیں گی جبکہ جاگنگ ٹریکس والے پارکس پابندی سے مستثنی ہوں گے۔

یاد رہے کہ گزشتہ روز کراچی میں گلشن ڈویژن میں اسمارٹ لاک ڈاون لگانے کی پولیس کو ہدایات بھی جاری  کردی گئی ہے جبکہ ہدایت اسسٹنٹ کمشنر مشل نعیم کی جانب سے دی گئی ہیں۔

بعدازاں تھانہ شاہرائے فیصل ، عزیز بھٹی ، گلستان جوہر اور گلشن اقبال کی پولیس نے عمل کروانا شروع  کردیا گیا ہے۔

احکامات کے مطابق رات 10 بجے تک تمام ہوٹلز، ریسٹورنٹ، شادی ہالز اور مارکیٹیں بند کر دی جائیں گی۔