پنجاب اسمبلی کا اجلاس ہنگامہ آرائی اور شورشرابےکی نظر ہو گیا۔

تفصیلات کے مطابق پنجاب اسمبلی کا اجلاس 2گھنٹے 25 منٹ پر اسپیکر پنجاب اسمبلی چوہدری پرویز الہی کی زیر صدارت شروع ہوا۔

اجلاس شروع ہوتے ہی اپوزیشن اراکین پروڈکشن آڈر جاری نہ کرنے اور گرفتاریوں کے خلاف ایوان میں سراپا احتجاج  ہوگئے۔

اویس لغاری نے کہا کہ ہم گرفتاریوں سے ڈرنے والے نہیں ہیں،گرفتار کرنا  ہے تو کرلو ،ہم گرفتاریاں دینے  کے لیے تیار ہیں۔

سمیع اللہ خان نے کہا کہ حکومت کہتی ہےکہ ہم نے  نیب پر حملہ کیا  لیکن جنہوں نے پارلیمنٹ اور پی ٹی وی پر حملہ کیا وہ ان کے لاڈلے ہیں ،انہیں چھوڑ دیا جاتا ہے۔

پنجاب اسمبلی کے اجلاس میں اپوزیشن نے ٹھوکر نیاز بیگ  میں مریم کی پیشی پر ہنگامہ آرائی میں حکومت کی جانب سے گرفتاریوں اور دفعات کے خلاف ایوان میں احتجاجاً علامتی دھرنا دیا۔

دوسری جانب پنجاب اسمبلی میں اسٹینڈنگ کمیٹیوں کو از خود نوٹس لینے کا اختیار مل گیا ۔کمیٹیوں کے اختیارات میں اضافے کی تحریک متفقہ طور پر منظور کر لی گئی۔

کمیٹی معاونت کے  لیے کسی بھی ماہر کو طلب کرسکے گی۔ چیئرمین کمیٹی کا فیصلہ کسی بھی فورم پر چیلنج نہیں ہوسکے گا۔  ترمیم کے بعد چیئرمین کمیٹی سرکاری افسران کو قصوروار ہونے پر سزا بھی دے سکے گا۔