پاکستان معاشی رابطے کا مرکز بننا چاہتا ہے، معید یوسف

عروبہ خان

11th Nov, 2020. 07:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان معاشی رابطے کا مرکز بننا چاہتا ہے، معید یوسف

معاون خصوصی قومی سلامتی ڈویژن ڈاکٹر معید یوسف نے کہا ہے کہ پاکستان معاشی رابطے کا مرکز بننا چاہتا ہے جو دنیا کو اقتصادی بیس اور سرمایہ کاری کے مواقع فراہم کرے۔

تفصیلات کے مطابق معاون خصوصی قومی سلامتی ڈویژن ڈاکٹر معید یوسف کی آسٹریلیائی ہائی کمشنر ڈاکٹر جیوفری شو سے ملاقات ہوئی ہے۔

ملاقات میں کوویڈ 19 اور اقتصادی سرمایہ کاری پر تبادلہ خیال کیا گیاہے اور آسٹریلیائی ہائی کمشنر کی جانب سے دونوں ممالک کے مابین اقتصادی ڈپلومیسی میں دلچسپی کا اظہار بھی کیا گیا ہے۔

دوران ملاقات پاکستان اور آسٹریلیا کے مابین معاشی سفارت کاری کے فروغ کے سلسلے میں روڈ میپ بنانے میں دلچسپی دیکھائی گئی ہے جبکہ معاشی رسائی کو فروغ دینے کی ضرورت پر بات چیت کی گئی ہے۔

ملاقات کے دوران معید یوسف کا کہنا تھا کہ پاکستان کو فٹیف کی گرے لسٹ سے باہر لایا جانا چاہئے کیونکہ پاکستان نے 27 میں سے 21 ایکشن آئٹمز کو پورا کیا ہے۔

انہوں نے بتایا کہ گذشتہ سال پاکستان کے معاشی زونز میں کوئی دہشت گردی نہیں ہوئی ہے لہذا پاکستان غیر ملکی سرمایہ کاری کے لئے محفوظ ہے۔

ان کا کہنا تھا کہ عالمی برادری بھارت کو خطے میں تنازعات روکنے کے لیے کہے دنیا کو کشمیریوں کی آزادی کی حمایت کرنی چاہئے۔