باشعور عوام ملکر حکومت کی سازشوں کو ناکام بنائیں گے، بلاول بھٹو

عروبہ خان

13th Nov, 2020. 05:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

باشعور عوام ملکر حکومت کی سازشوں کو ناکام بنائیں گے، بلاول بھٹو

پاکستان پیپلزپارٹی کے چیئرمین بلاول بھٹو زرداری نے کہا ہے کہ گلگت بلتستان کے عوام بہت باشعور ہیں وہ حکومت کی سازشوں کو ناکام بنائیں گے۔

تفصیلات کے مطابق چیئرمین پیپلز پارٹی بلاول بھٹو نے گلگت پریس کلب میں پریس کانفرنس میں انہوں نے کہا الیکشن میں دھاندلی کی کوشش کی جارہی ہے،ایسی کسی کوشش کو قبول نہیں کیا جائے گا۔

ان کا کہنا تھا کہ ہم کسی کو اپنا ووٹ چوری نہیں کرنے دیں گے تاہم بلاول نے الزام بھی لگایا ہے کہ انتخابی مہم کے دوران انہیں صوبہ بدر کرنے کی کوشش کی گئی۔

بلاول بھٹو کا کہنا تھا کہ ہماری پارٹی آئین اور قانون بنانے والی پارٹی ہے اسی لئے عدالت کا فیصلہ مان کر الیکشن کمپین بند کردی ہے۔

انہوں نے کہا ہے کہ تمام اداروں سے گزارش ہے کہ اس الیکشن کو متنازعہ بنانے سے روکے کیونکہ پوری دنیا کی نظر گلگت بلتستان کے الیکشن پر ہے۔

ان کا کہنا تھا کہ دھاندلی کی گئی تو اس الیکشن کے بعد یہاں شدید احتجاج ہوگا لیکن میں چاہتا ہوں کہ ایسی نوبت نہ آئے اور یہاں امن ہو۔

بلاول بھٹو کا کہنا تھا کہ گلگت بلتستان میں تحریک انصاف کا کوئی مینڈیٹ نہیں ہے اور ایسے میں اگر یہ جماعت جیتے تو خدشات تو ہونگے۔