سپریم کورٹ آف پاکستان کا ہر فیصلہ سپریم کورٹ کا ہوتا ہے، چیف جسٹس

عروبہ خان

06th Nov, 2020. 11:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سپریم کورٹ آف پاکستان کا ہر فیصلہ سپریم کورٹ کا ہوتا ہے، چیف جسٹس
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

سپریم کورٹ آف پاکستان کا ہر فیصلہ سپریم کورٹ کا ہوتا ہے، چیف جسٹس

چیف جسٹس آف پاکستان جسٹس گلزار احمد نے کہا ہے کہ سپریم کورٹ آف پاکستان کا ہر فیصلہ سپریم کورٹ کا ہوتا ہے اور یہ واحد متحد ادارہ ہے جو اپنے فیصلوں سے بولتا ہے۔

تفصیلات کے مطابق چیف جسٹس آف پاکستان جسٹس گلزار احمد نے عشائیہ کی تقریب سے خطاب کرتے ہوئے کہا ہے کہ سپریم کورٹ پاکستان کی سپریم کورٹ ہی ہے۔

چیف جسٹس کا کہنا تھا کہ پاکستان کی سپریم کورٹ کا ججمنٹ ایک اہم ججمنٹ ہوتا ہے اس لئے برائے مہربانی ججمنٹ کے متعلق کوئی بات نہ کریں اور نہ ہی کورٹ کے متعلق بات کرکے تفریق پیدا کی جائے۔

انہوں نے بتایا کہ جو بھی سپریم کورٹ بات کہتا ہے وہ ججمنٹ میں کہتا ہے اور سپریم کورٹ آف پاکستان کا ہر فیصلہ سپریم کورٹ کا ہوتا ہے۔

انہوں نے مزید کہا کہ یہ کہنا غلط ہے کہ دو تین ججز بہت بہادر ہیں اور باقی ہمت نہیں رکھتے، اس بات سے عدالت کی ساکھ کو نقصان پہنچتا ہے بلکہ توہین عدالت کے مترادف ہے۔

چیف جسٹس نے مزید کہا کہ کورٹ میں تفریق پیدا نہ کی جائے، پبلک کے سامنے ایسی باتیں نہ کی جائیں۔