گلگت بلتستان میں حکومت سازی کے لیے مشاورت مکمل، 24 گھنٹے میں وزیراعلٰی کی نامزدگی کا امکان

عروبہ خان

26th Nov, 2020. 09:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلگت بلتستان میں حکومت سازی کے لیے مشاورت مکمل، 24 گھنٹے میں وزیراعلٰی کی نامزدگی کا امکان

وزیراعظم عمران خان نے گلگت بلتستان میں حکومت سازی کے لیے مشاورت مکمل کرلی گئی ہے تاہم اگلے 24 گھنٹے میں وزیراعلٰی کی نامزدگی کا امکان بھی ظاہر کیا گیا ہے۔

تفصیلات کے مطابق گلگت بلتستان کا وزیراعلٰی کون ہوگا؟ وزیراعظم عمران خان نے گلگت بلتستان کے وزیراعلٰی سمیت حکومت سازی کے حوالے سے مشاورت مکمل کرلی ہے۔

وزیراعلٰی کے لیے بیرسٹر خالد خورشید اور فتح اللہ کے درمیان مقابلہ ہے، وزیراعظم چوبیس گھنٹے میں نامزدگی کردیں گے تاہم حلف برداری کی تقریب میں خود شریک ہوں گے۔

ذرائع کا کہنا ہے وزیراعظم پیر یا منگل کو گلگت بلتستان کا دورہ کریں گے اور حلف برداری کی تقریب میں شریک ہوں گے۔

علاوہ ازیں تحریک انصاف کے سید امجد علی زیدی گلگت بلتستان اسمبلی کی اسپیکرمنتخب ہوگئے ہیں۔

انہوں نے 18ووٹ حاصل کیے جبکہ ان کے مدمقابل اپوزیشن کے امیدوار غلام محمد نے 8ووٹ حاصل کیے تھے۔

تحریک انصاف کے ہی نذیر ایڈووکیٹ 23ووٹ لیکر ڈپٹی اسپیکر منتخب ہوگئے ہیں۔