پاکستان ہمیشہ بھارت کے ساتھ پرامن حل کیلئے کوشاں ہے

پاکستان ہمیشہ بھارت کے ساتھ پرامن حل کیلئے کوشاں ہے، صدرعارف علوی

عروبہ خان

02nd Nov, 2020. 07:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان ہمیشہ بھارت کے ساتھ پرامن حل کیلئے کوشاں ہے، صدرعارف علوی

صدر عارف علوی نے کہا کہ پاکستان ہمیشہ بھارت کے ساتھ تمام تصفیہ طلب امور کے پرامن حل کیلئے کوشاں رہا ہے۔

صدر مملکت ڈاکٹر عارف علوی سے اقوام متحدہ کے ریذیڈنٹ اینڈ ہیومینیٹرین کوآرڈینیٹر ،جولین ہارنیس نے پیر کو یہاں ملاقات کی۔

اس موقع پر گفتگو کرتے ہوئے صدر مملکت نے کہا کہ جموں و کشمیر کا بنیادی تنازعہ سات دہائیوں سے اقوام متحدہ کے ایجنڈے پر ہے،اقوام متحدہ جموں و کشمیر سے متعلق سلامتی کونسل کی قراردادوں پر عملدرآمد کے لئے اقدامات کرے۔

صدر مملکت نے اقوام متحدہ کے چارٹر کے اصولوں اور مقصد کے حصول کے لئے پاکستان کے عزم کا اعادہ کیا اور کہا کہ پائیدار ترقی کے اہداف کے حصول کے لئے پاکستان نے متعدد پروگرام شروع کئے ہیں۔

صدر عارف علوی نے جولین ہارنیس کو کووڈ 19 کے پھیلاؤ کے خلاف پاکستان کی جانب سے اٹھائے گئے اقدامات اور احساس پروگرام کے بارےآگاہ کیا۔

اس موقع پر جولین ہارنیس نے کہا کہ پاکستان اقلیتوں کے لئے برداشت کا حامل معاشرہ ہے۔

صدر عارف علوی نے مقبوضہ کشمیر میں بھارت کی جانب سے انسانی حقوق کی خلاف ورزیوں کو منظر عام پر لانے پر اقوام ِمتحدہ کے انسانی حقوق کے کمشنر کے کردار کو بھی سراہا۔