کورونا سے بچاؤ کیلئے مزید احتیاط کو ملحوظ خاطر رکھا جائے، وزیراعلیٰ پنجاب

وریشہ مسعود

03rd Nov, 2020. 10:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا سے بچاؤ کیلئے مزید احتیاط کو ملحوظ خاطر رکھا جائے، وزیراعلیٰ پنجاب

وزیراعلیٰ پنجاب سردار عثمان بزدار نے کہا ہے کہ کورونا کے مرض سے بچاؤ کے لئے مزید احتیاط کو ملحوظ خاطر رکھا جائے۔

تفصیلات کے مطابق وزیراعلیٰ پنجاب سردار عثمان بزدار نے اپنے ایک بیان میں کہا کہ عوام کا ہرسطح پر بھرپور تعاون بے حد ضروری ہے جبکہ ماسک اور سماجی فاصلے کی پابندی بھی ضروری ہے۔

سردارعثمان بزدار نے کہا کہ پنجاب میں کورونا کے 1611292 تشخیصی ٹیسٹ کئے جاچکے ہیں جبکہ کورونا کے 104894 مریضوں میں سے 97498 مریض صحت یاب ہوچکے ہیں۔

وزیر اعلیٰ پنجاب نے یہ بھی کہا کہ گزشتہ 24گھنٹے کے دوران 9030کورونا تشخیصی ٹیسٹ کئے گئے جن میں کورونا کے 340 کنفرم کیسز آئے اور7مریض جاں بحق ہوئے۔

عثمان بزدار کا کہنا تھا کہ پنجاب میں کورونا کے ایکٹو مریضوں کی تعداد 5024 ہوگئی ہے جبکہ اب تک پنجاب میں کورونا سے 2372 مریض جاں بحق ہوچکے ہیں۔

وزیراعلیٰ پنجاب سردار عثمان بزدار کا مزید کہنا تھا کہ کورونا کے مرض سے بچاؤ کے لئے مزید احتیاط کو ملحوظ خاطر رکھا جائے جبکہ ماسک پہننے کی پابندی پرعمل شہریوں کو کورونا سے محفوظ رکھے گا۔