وفاقی وزیر شبلی فراز نے پاکستان پیپلز پارٹی کے چئیرمین بلاول بھٹو کیلئے نیک خواہشات کا اظہار کرتے ہوئے ان کی جلد صحتیابی کی دعا کی ہے۔

تفصیلات کے مطابق وفاقی وزیر اطلاعات شبلی فراز نے سماجی را بطے کی ویب سائٹ ٹوئٹر پر جاری اپنے پیغام میں بلاول بھٹو زرداری کا کورونا ٹیسٹ مثبت آنے پرکہا کہ اللہ تعالیٰ بلاول کو شفائے کاملہ عطا فرمائے، بلاول سمیت تمام کورونا مریضوں کیلئے دعاگو ہیں

اللہ تعالیٰ بلاول بھٹو زرداری کو شفاء کاملہ عطا فرمائے ۔ بلاول سمیت تمام مریضوں کے لئے نیک تمناؤں کا اظہار کرتے ہیں۔وباء سے محفوظ رہنے کیلئے احتیاط لازم ہے۔ کرونا لیڈرز اور عوام میں کوئی تفریق نہیں کرتا۔اپوزیشن راہنما خدارا ایک دوسرے کی صحت اور عوام کی زندگیوں کا خیال کریں۔

— Senator Shibli Faraz (@shiblifaraz) November 26, 2020

انہوں نے کہا کہ کورونا سے محفوظ رہنے کیلئےاحتیاط لازم ہے، کورونا لیڈرز اورعوام میں کوئی تفریق نہیں کرتا، اپوزیشن لیڈرز ایک دوسرے کی صحت اور عوام کا خیال کریں۔

I have tested positive for #COVIDー19 & am self isolating with mild symptoms. I‘ll continue working from home & will be addressing PPP foundation day via video link. Wear a mask everyone, see you on the other side IA 🙏

— BilawalBhuttoZardari (@BBhuttoZardari) November 26, 2020

واضح رہے کہ پیپلزپارٹی کے چیئرمین بلاول بھٹو زرداری نے آج اپنے ٹویٹ میں بتایا کہ ان کا کورونا ٹیسٹ مثبت آگیا جس کے بعد خود کو قرنطینہ کر لیا ہے۔