حکومت کی گیس شعبے میں اصلاحات میں بڑی پیش رفت

عروبہ خان

18th Nov, 2020. 11:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کی گیس شعبے میں اصلاحات میں بڑی پیش رفت

حکومت کی جانب سے پیٹرولیم ڈویژن نے سوئی سدرن اور ناردرن کمپنیوں کی تقسیم کی تجاویز کو حتمی شکل دیدی گئی ہے۔

تفصیلات کے مطابق کابینہ کمیٹی برائے توانائی کا اہم اجلاس کل طلب کرلیا گیا ہے جس میں گیس شعبے میں اصلاحات کے ایک نکاتی ایجنڈے پر غور ہوگا، ملک میں نیشنل گیس ٹرانسمیشن کمپنی قائم کرنے کی تجویز دی گئی ہے۔

وفاقی وزیر منصوبہ بندی اسد عمر اجلاس کی صدارت کریں گے۔اجلاس میں گیس کمپنوں کی تقسیم کی سمری پیش کی جائے گی جس میں گیس شعبے میں اصلاحات کے ایک نکاتی ایجنڈے پر غور ہوگا۔

ذرائع کے مطابق ملک میں نیشنل گیس ٹرانسمیشن کمپنی قائم کرنے کی تجویز دی گئی ہے جس میں سوئی سدرن اور ناردرن گیس کمپنیوں کی تقسیم کی تجویز بھی دی گئی۔

ملک میں متعدد گیس ڈسٹری بیوشن کمپنیاں بنانے کی تجویز بھی شامل ہے۔نئی گیس کمپنیاں تکنیکی بنیاد پر قائم کرنے کی تجویز ہے جبکہ گیس کمپنیاں آبادی، نیٹ ورک، طلب کی بنیاد پر قائم کرنے کی تجویز ہے۔