وزیر اعظم عمران خان نے کہا ہے کہ تعمیراتی کام میں تیزی سے ملکی معیشت میں بہتری آئے گی اور لوگوں کو روزگار کے مواقع میسر ہونگے۔

تفصیلات کے مطابق وزیر اعظم عمران خان کی زیر صدارت قومی رابطہ کمیٹی برائے ہاؤسنگ، تعمیرات و ڈویلپمنٹ کا ہفتہ وار اجلاس ہوا ہے۔

وزیر اعظم عمران خان کی زیر صدارت قومی رابطہ کمیٹی برائے ہاؤسنگ، تعمیرات و ڈویلپمنٹ کا ہفتہ وار اجلاس۔
اجلاس میں وزیراعظم کے معاونِ خصوصی ملک امین اسلم, مشیر ڈاکٹر عشرت حسین، معاون خصوصی شہباز گل، وفاقی و صوبائی سیکرٹری صاحبان اور سینئر افسران شریک۔ pic.twitter.com/Mq08b6kgPx

— Govt of Pakistan (@GovtofPakistan) November 20, 2020

وزیر اعظم نے پنجاب حکومت کو تعمیراتی کام کے حوالے سے موصول شدہ درخواستیں مروجہ قوانین کے مطابق جلد از جلد منظور کر نے کی ہدایت بھی کی۔

وزیر اعظم نے ہدایت کی کہ پاکستان ٹیلی کمیونیکیشن اور نیپرا کو سٹیٹ بینک آف پاکستان کے ساتھ ملکر تعمیراتی شعبے سے متعلقہ مسائل جلد حل کریں۔

وزیر اعظم نے نیا پاکستان ہاؤسنگ اسکیم کے حوالے سے آگاہی اجاگر کرنے پر بھی زور دیا ہے۔

یاد رہے کہ اجلاس میں وزیراعظم کے معاونِ خصوصی ملک امین اسلم, مشیر ڈاکٹر عشرت حسین، معاون خصوصی شہباز گل، وفاقی و صوبائی سیکرٹری صاحبان اور سینئر افسران شریک ہوئے۔