الیکشن مہم میں رکاوٹ ڈالنے کی کوشش کی جارہی ہے، بلاول بھٹو

عروبہ خان

07th Nov, 2020. 08:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن مہم میں رکاوٹ ڈالنے کی کوشش کی جارہی ہے، بلاول بھٹو

پاکستان پیپلزپارٹی کے چیئرمین بلاول بھٹو زرداری نے کہا ہے کہ حکومت کی جانب سے گلگلت بلتستان الیکشن مہم میں رکاوٹ ڈالنے کی کوشش کی جارہی ہے۔

تفصیلات کے مطابق چیئرمین پیپلزپارٹی بلاول بھٹو نے تھور میں انتخاہی مہم سے خطاب میں کہا ہے کہ پیپلزپارٹی گلگت کےعوام کوحق حاکمیت اورحق ملکیت دلائیں گی۔

بلاول بھٹو نے کہا ہے کہ عمران خان کواب پتہ چلاگلگت بلتستان میں بھی انسان رہتےہیں لیکن گلگت کےعوام ایسی کٹھ پتلی حکومت کو قبول نہیں کریں گے۔

انہوں نے کہا کہ تبدیلی کے نام پرسلیکٹڈ نے ملک کو تباہ کردیا ہے جبکہ روزگار لوگوں کا حق ہے اور یہاں کی عوام کو اس سے محروم رکھا جارہا ہے۔

ان کا کہنا تھا کہ اب صرف عوام کے ووٹ سے حکومت آئے گی، ملک کا وزیراعظم عوام کے ووٹوں سے منتخب ہوگا۔

بلاول بھٹو نے کہا کہ گلگت بلتستان کو صوبے کا حق دلوانا ہے اور یہاں کے نمائندے کو قومی اسمبلی میں بٹھانا ہے۔