دفتر خارجہ کی جانب سے ایران کے وزیر خارجہ محمد جواد ظریف کے دو روزہ سرکاری دورے کے حوالے سے تفصیلات جاری کردی گئیں ہیں۔

ذرائع کے مطابق ایرانی وزیر خارجہ پاکستان کا دو روزہ سرکاری دورہ کر رہے ہیں جس کے لئے نور خان ہوائی اڈے پر پاکستان میں ایران کے سفیر سید محمد علی حسینی اور ایرانی سفارتخانے کے حکام ایرانی وزیر خارجہ اور ان کے وفد کا استقبال کریں گے۔

ایران کے نمائندہ خصوصی برایے افغانستان محمد ابراہیم طاہریان بھی جواد ظریف کے ہمراہ ہوں گے جبکہ ایرانی وزیر خارجہ کے ہمراہ ایک اعلی سطح کا وفد بھی اسلام آباد پہنچے گا جو کہ سیاسی اور اقتصادی سطح کا ہے۔

دورہ پاکستان کے دوران ایرانی وزیر خارجہ اپنی ملاقاتوں میں پاک ایران باہمی تعلقات, امریکی صدارتی انتخاب متوقع پی فائیو پلس ون معاہدے کی بحالی کے تناظر میں آئی پی گیس پائپ لائن پر خصوصی بات چیت کریں گے جبکہ ان ملاقاتوں میں افغانستان میں قیام امن، افغان امن عمل، پاک ایران اقتصادی تعلقات، پاک ایران سرحدی انتظامی امور اور غیر قانونی منشیات و انسانی اسمگلنگ پر تبادلہ خیال کیا جائےگا۔

پاکستان پہنچنے کے بعد ایران کے وزیر خارجہ کل سے اپنی باقائدہ ملاقاتوں کا آغاز کریں گے اور کل صدر مملکت ڈاکٹر عارف علوی اور وزیر اعظم عمران خان سے ملاقاتیں کریں گے وہ کل مسلح افوج کے سربراہ جنرل قمر جاوید باجوہ سے بھی ملاقات کریں گے۔

دوران دورہ جواد ظریف کل شام انسٹی ٹیوٹ آف اسٹریٹیجک اسٹڈیز کا دورہ بھی کریں گے, اور ایک لیکچر دیں گےایرانی وزیر خارجہ کی اسپیکر قومی اسمبلی سے ملاقات شیڈیول نہیں ہے امریکی صدارتی انتخابات کے پس منظر میں ایرانی وزیر خارجہ کا دورہ پاکستان پاک ایران تعلقات کے حوالے سے اہمیت کا حامل ہے۔