پی ڈی ایم اجلاس سے حکومت کی پریشانی سب کے سامنے ہے، بلاول بھٹو

عروبہ خان

11th Dec, 2020. 06:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ڈی ایم اجلاس سے حکومت کی پریشانی سب کے سامنے ہے، بلاول بھٹو

پاکستان پیپلزپارٹی کے چیئرمین بلاول بھٹو رزداری نے کہا ہے کہ پی ڈی ایم کا اجلاس ہونے والا ہے اور اس حوالے سے حکومت کی پریشانی بھی سب کے سامنے ہے۔

تفصیلات کے مطابق پاکستان پیپلزپارٹی کے چیئرمین بلاول بھٹو رزداری نے مریم نواز کے ہمراہ پریس کانفرنس کرتے ہوئے کہا ہے کہ تیرہ دسمبر کو تاریخی جلسہ ہوگا۔

انہوں نے کہا ہے کہ پی ڈی ایم کا پہلا فیز کامیابی سے چل رہا ہے اور جلد ہی دوسرا فیز شروع ہو گا۔

ان کا کہنا تھا کہ اب کٹھ پتلی اکیلا اسلام آباد میں کھڑا ہے جس کے لئے حکومت اور سہولت کاروں کو سوچنا ہو گا۔

بلاول بھٹو کا کہنا تھا کہ آج حکومت جاتی نظر آئی تو پارلیمنٹ یاد آ گئی لیکن اب ہم این ار او نہیں دیں گے اور ہم ایسی کوئی صورتحال پیدا نہیں کریں گے جس سے کسی تیسری قوت کو آنے کا موقع ملے۔

بعدازاں پاکستان پسلم لیگ ن کی نائب صدر مریم نواز نے بھی کہا ہے کہ تیرہ دسمبر کو مینار پاکستان پر پی ڈی ایم کا جلسہ لازمی ہوگا۔

مریم نواز کا کہنا تھا کہ اس شخص کے لئے عبرت کا مقام ہے کہ وہ پی ڈی ایم سے این آر او مانگ رہا ہے۔