گورنرخیبر پختونخوا شاہ فرمان نے کہا ہے کہ بلین ٹری شہد منصوبہ سے مقامی افراد کوروزگارکے وسیع مواقع میسرآئیں گے۔

تفصیلات کے مطابق گورنرخیبر پختونخوا شاہ فرمان سے سعودی سفیر نواف بن سعیدالمالکی کی اسلام آباد میں ملاقات ہوئی جس میں سعودی سفیر نواف بن سعیدالمالکی نے منصوبہ کوسراہا اور سعودی حکومت کی طرف سے سرمایہ کاری کی خواہش کا اظہار کیا۔

ملاقات میں ملک بھر بالخصوص خیبر پختونخوا میں معیاری زیتون اور بیری شہد کی افادیت و استعداد اور ممکنہ بر آمد پر تبادلہ خیال کیا گیا۔

سعودی سفیر نواف بن سعیدالمالکی نے کہا کہ سعودی حکومت پاکستان میں معیاری زیتون اور بیری شہد کے شعبہ میں کاروبار کرنے کی خواہاں ہے۔

اس موقع پر گورنرخیبرپختونخوا شاہ فرمان نے کہا کہ سعودی سفیر نواف بن سعیدالمالکی زیتون کی کاشت اور بلین ٹری شہد منصوبہ نہایت اہمیت کاحامل ہے جبکہ زیتون اوربلین ٹری شہد منصوبہ سے مقامی افراد کوروزگارکے وسیع مواقع میسرآئیں گے۔

شاہ فرمان نے یہ بھی کہا کہ ملک بھربالخصوص خیبرپختونخوا کی زمین موسمیاتی اعتبار سے زیتون اوربیری شہدکی پیداوار کیلئے انتہائی زرخیز ہے۔

 گورنرخیبرپختونخوا شاہ فرمان نے مزید کہا کہ عوامی مفاد کے منصوبہ کی تکمیل سے اقتصادی ترقی کے ساتھ غریب اور متوسط طبقہ کی آمدنی میں اضافہ ہوگا۔

ملاقات میں وزیراعظم کے مشیر ماحولیاتی تبدیلی ملک امین اسلم بھی موجود تھے۔