چیف جسٹس پاکستان جسٹس گلزار احمد کا کہنا ہے کہ وکلاء اور ججز کے درمیان تمام معاملات کو حل کریں گے۔

چیف جسٹس پاکستان جسٹس گلزار احمد کا پنجاب بار کونسل توسیعی تقریب سے خطاب کرتے ہوئے کہنا تھا کہ  پنجاب بار کونسل کے جانے والے ممبران کو توسیعی منصوبے پر مبارکباد پیش کرتا ہوں۔

جسٹس گلزار احمد نے کہا کہ  وکلاء اور ججز کے درمیان تمام معاملات کو حل کریں گے۔ وکلاء اور ججز کے درمیان جو پہلے دیوار ہوا کرتی تھی اسے ہم نے کافی حد تک مسمار کر دیا ہے۔

انہوں نے کہا کہ  وکلاء اور ججز کے معاملے پر کوئی ایشوز ہوتے ہیں تو بار اور بینچ سے مل کر معاملے حل  کیے جاتے ہیں۔ ججز تعیناتی کے معاملے پر کوشش کی ہے وکلاء کو زیادہ سے زیادہ ججز  بطور تعینات کیا جائے۔

چیف جسٹس نے کہا کہ  وکلاء جورسپوڈنس نئے قانون لے کر آئیں ہم اس کی تشریح کریں  گےاور سپریم کورٹ کا کام بھی یہی ہے۔

جسٹس گلزار احمد نے کہا کہ  وکلاء کو کسی بھی طرح سے پر تشدد ہونے کی ضرورت نہیں ہے۔میں بھی کسی زمانے میں بڑی گرم طبیعت کا وکیل ہوا کرتا تھا۔نئے وکلاء میں تھوڑی گرمی ہوتی ہے اور وہ کہتے ہیں کہ جج صاحب انہیں کام نہیں کرنے دیتے۔

انہوں نے  کہا کہ  وکلاء اور ججز میں کوئی تفرقہ نہیں ہے، ہم جمہوری اقدار کے تحت آگے بڑھیں گے۔ہم زیادہ سے زیادہ جمہوری اقدار اپنے سسٹم میں لائیں گے ۔