سعودی وزیر خارجہ شہزادہ فیصل بن فرحان آئندہ ماہ پاکستان کا سرکاری دورہ کریں گے۔
سفارتی ذرائع کے مطابق پاکستان اور سعودی عرب کے دوطرفہ تعلقات میں اہم پیش رفت ہوئی ہے، سعودی وزیر خارجہ شہزادہ فیصل بن فرحان جنوری میں پاکستان کا سرکاری دورہ کریں گے۔
سفارتی ذرائع کا کہنا ہے کہ سعودی وزیر خارجہ کے ہمراہ سعودی کمپنیزکے سربراہوں اور تاجروں کا وفد بھی ہوگا۔ وفد میں کنگ سلمان کے بیٹے سعودی وزیرتوانائی عبدالعزیز بن سلمان بھی شامل ہوں گے۔
سفارتی ذرائع کا مزید کہنا ہے کہ پاکستان میں سعودی آئل ریفائنری لگانے پر بات چیت کی جائے گی۔سعودی عرب پہلے ہی پاکستان میں آئل ریفائنری لگانے کا وعدہ کرچکا ہے۔
سعودی وزیرخارجہ صدر،وزیراعظم اور وزیرخارجہ سے ملاقاتیں بھی کریں گے۔ملاقاتوں میں مشرق وسطیٰ سمیت خطے کی تازہ ترین صورتحال پر تبادلہ خیال کیا جائے گا۔
Advertisement
سعودی وزیرخارجہ کے دورے کے دوران دونوں ممالک کے درمیان تعلقات بڑھانے پر بھی غور ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
