پی ڈی ایم جلسے پر وفاقی وزیر برائے منصوبہ بندی اسد عمر نے ٹوئٹر پر ایک پیغام جاری کیا ہے۔

تفصیلات کے مطابق اپنے پیغام میں وفاقی وزیر برائے منصوبہ بندی اسد عمر نے کہا ہے کہ پاکستان کی عوام کی جانب سے اپوزیشن کا بیانیہ مسترد کردیا گیا ہے۔

انہوں نے کہا ہے کہ اپوزیشن کی جانب سے کئے جانے والے جلسے ناکام ہوگئے ہیں اور اب اس کارواں کی منزل سیاسی خودکشی لگتا ہے۔

اپوزیشن کا بیانیہ مسترد، جلسے ناکام اور کارواں کی منزل سیاسی خودکشی. لگتا ہے نواز شریف نے اپنے سیاسی ساتھیوں سے انتقام لینے کا فیصلہ کیا ہے. نا کھیڈاں گے نا کھیڈان دیاں گے کی پالیسی پر عمل پیرا… نواز شریف کو پتہ ہے کے اس پالیسی کا اطلاق حکومت پر نہیں ان کے اپنے ساتھیوں پر ہو گا

Advertisement

— Asad Umar (@Asad_Umar) December 11, 2020

ان کا کہنا تھا کہ نواز شریف نے اپنے سیاسی ساتھیوں سے انتقام لینے کا فیصلہ کیا ہے۔

یاد رہے کہ لاہور میں واقع تاریخی مقام مینار پاکستان پر اپوزیشن اتحاد پاکستان ڈیموکریٹک موؤمنٹ کی جانب سے 13 دسمبر کو جلسے کا اعلان کیا گیا ہے جس سے متعلق صوبائی انٹیلی جنس کمیٹی کا اجلاس ہوا۔

ذرائع کے مطابق اجلاس میں فیصلہ  کیا گیا ہے کہ کورونا کے بڑھتے ہوئے کیسز کے باعث جلسے کی اجازت نہیں دی جاسکتی، جلسہ کرنے پر پی ڈی ایم کے تمام رہنمائوں کے خلاف مقدمات درج کیا جائے گا