پاک بحریہ کیلئےچین میں تیارفریگیٹ جہاز کی لانچنگ تقریب

ویب ڈیسک

30th Jan, 2021. 11:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کیلئےچین میں تیارفریگیٹ جہاز کی لانچنگ تقریب

پاک بحریہ کیلئے چین میں تیار کیے جانے والے دوسرے 054 فریگیٹ جہاز کی لانچنگ کی تقریب انعقاد کیا گیا ہے۔

اس ضمن میں پاک بحریہ کے ترجمان کا کہنا ہے کہ پاک بحریہ کیلئےچین میں تیارفریگیٹ جہازکی لانچنگ تقریب کا انعقاد کیا گیا ہے۔

تقریب کا اہتمام ہڈونگ ژونگوا شپ یارڈ چائنہ میں کیا گیا جس میں پاک بحریہ کے کموڈور اظفر ہمایوں تقریب کے مہمان خصوصی تھے۔

ترجمان نے بتایا کہ اس موقع پر کموڈور اظفر ہمایوں کا کہنا تھا کہ عالمی سطح پر درپیش وبائی صورتحال کے باوجود پراجیکٹ کی بر وقت تکمیل شپ یارڈ کی پیشہ ورانہ صلاحیتوں کا منہ بولتا ثبوت ہے۔

جہاز کی صلاحیت کے حوالے سے پاک بحریہ کے ترجمان کا کہنا ہے کہ یہ جہاز ہر قسم کی جدید ٹیکنالوجی، جنگی آلات، اسلحے اور سینسرز سے لیس ہوگا تاہم پاک بحریہ کے بیڑے میں اس جہاز کی شمولیت سے ملکی سمندری دفاع مذید مضبوط ہو گا۔

ترجمان کے مطابق اسٹیٹ آف دی آرٹ فریگیٹ جہازوں کی تیاری پاکستان اور چین کی لازوال دوستی اور مضبوط سفارتی تعلقات کی عکاس ہے۔

خیال رہے کہ تقریب میں چینی حکام کے علاوہ چائنہ شپ بلڈنگ ٹریڈنگ کمپنی اور ہڈونگ ژونگوا شپ یارڈ کے نماٸندوں نے بھی شرکت کی۔