پاکستان تحریک انصاف کی جانب سے جمیعت علماء اسلام کے خلاف فارن فنڈنگ کیس دائر کردیا گیا ہے۔
تفصیلات کے مطابق پی ٹی آئی کے رکن اسمبلی فرخ حبیب نے جمیعت علماء اسلام کے خلاف فارن فنڈنگ کیس کی درخواست الیکشن کمیشن میں جمع کرادی ہے۔
درخواست میں کہا گیا کہ مولانا فضل الرحمان سمیت جے یو آئی کے کئی رہنما دونوں ممالک کا متواتر دورہ کرتے تھے تاہم جمعیت علماء اسلام کے خلاف الیکشن ایکٹ کے خلاف کارروائی کی جائے۔
الیکشن کمیشن میں جمعیت علمائے اسلام کے خلاف فارن فنڈنگ کی تحقیقات کے لئے درخواست جمع کروانے کے بعد میڈیا سے گفتگو کرتے ہوئے انہوں نے کہا کہ حافظ حسین احمد نے کئی بار میڈیا پر ٹاک شوز میں اعتراف کیا کہ مولانا فضل الرحمان نے عراق اور لیبیا سے فارن فنڈنگ لی۔
انہوں نے پی ٹی آئی پر فارن فنڈنگ کا الزام لگایا اورالیکشن کمیشن کے باہر آکر احتجاج کرتے رہے لیکن اب ان کا اپنا فارن فنڈنگ کا بھانڈا ان کے سینئر رہنماء نے پھوڑ دیا۔مولانا فضل الرحمان کی ڈی آئی خان اور چک شہزاد کی جائیدادیں بھی اسی سرمائے سے خریدی گئی ہوں گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
