وزیراعلی پنجاب کی معاون خصوصی اطلاعات ڈاکٹر فردوس عاشق اعوان نے کہا ہے کہ ملک کی معاشی ترقی کا براہ راست انحصار سستی توانائی کی دستیابی پر ہے۔

تفصیلات کے مطابق ڈاکٹر فردوس عاشق اعوان  نے سماجی رابطے کی ویب سائٹ پر ملک بھر میں نئے ترقیاتی کاموں کے حوالے سے ایک پیغام جاری کیا ہے۔

اپنے پیغام میں انہوں نے کہا ہے کہ بزدار حکومت نے ویہاڑی، سمندری، پاکپتن، مرالہ، لیہ اور دیگر مقامات پر توانائی کے سستے منصوبے شروع کرنے کے علاوہ بجلی چوروں پر شکنجہ سخت کیا اور پنجاب بھر سے 3.15ارب ریکور کرکے قومی خزانے میں جمع کرائے۔

تحریک انصاف حکومت نے میرٹ، بہترین حکمت عملی سے شوباز کے مسلسل 10سال 350ملین کا خسارہ کرنیوالی پنجاب پاور کمپنی کو ناصرف خسارے سے نکالا بلکہ قومی خزانے کو 217ملین کا نفع بھی دیا۔ اسکے علاوہ قائداعظم سولر کمپنی میں من پسند افراد کو نوانے کی روش ختم کرکے 62ملین کی تاریخی بچت کی!

Advertisement

— Dr. Firdous Ashiq Awan (@Dr_FirdousPTI) January 6, 2021

انہوں نے بتایا ہے کہ تحریک انصاف حکومت نے میرٹ، بہترین حکمت عملی سے شوباز کے مسلسل 10سال 350ملین کا خسارہ کرنیوالی پنجاب پاور کمپنی کو ناصرف خسارے سے نکالا بلکہ قومی خزانے کو 217ملین کا نفع بھی دیا۔

ان کا کہنا تھا کہ ماضی کے حکمرانوں نے رینٹل پاور پلانٹس اور مہنگی بجلی کےمعاہدوں سے قومی دولت پر ہاتھ صاف کیا ہے تاہم موجودہ حکومت نے قائداعظم سولر کمپنی میں من پسند افراد کو نوانے کی روش ختم کرکے 62ملین کی تاریخی بچت کی ہے۔