عمران صاحب اللہ کا واسطہ ہے کوئٹہ جائیں، مریم اورنگزیب

عروبہ خان

08th Jan, 2021. 03:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران صاحب اللہ کا واسطہ ہے کوئٹہ جائیں، مریم اورنگزیب

پاکستان مسلم لیگ ن کی ترجمان مریم اورنگزیب نے وزیراعظم سے اپیل کی ہے کہ عمران صاحب اللہ کا واسطہ ہے کوئٹہ جائیں لاشوں کے ساتھ ضد نہ کریں۔

اپنے ایک بیان میں ترجمان مریم اورنگزیب نے کہا ہے کہ عمران صاحب بے حسی ، انّا ، تکبر اللہ کو پسند نہیں جبکہ پچھلے چھ دنوں سے مائیں ، بہنیں بیٹیاں اپنے پیاروں کی لاشیں لے کر منفی درجہ حرارت میں سڑک پہ آپ کے انتظار میں بیٹھی ہیں۔

انہوں نے کہا ہے کہ عمران صاحب آپ مظلوم شہیدوں کے ورثاء کو بلیک میل کر رہے ہیں جن کے ہزاروں لوگ شہید ہو چکے ہیں اور جن کے ہزاروں پیارے شہید ہو گئے وہ بلیک میل نہیں کیا کرتے ہیں۔

یاد رہے کہ اس سے قبل وزیراعظم عمران خان نے اسپیشل ٹیکنالوجی زون اتھارٹی کے اجراء کی تقریب سے خطاب کرتے ہوئے کہا ہے کہ آج آپ اپنے پیاروں کی تدفین کردیں، میں آج ہی کوئٹہ پہنچوں گا۔

انہوں نے کہا ہے کہ تدفین کیلئے وزیراعظم کی آمد کی شرط رکھنا مناسب نہیں ہے اور کسی بھی ملک میں وزیراعظم کو ایسے بلیک میل نہیں کیا جاتا ہے۔