گور نر پنجاب چوہدری محمد سرور نے کہا ہے کہ پاکستان آج کامیابی سے آگے بڑھ رہا ہے جو مخالفین کو برداشت نہیں ہورہا  ہے۔

تفصیلات کے مطابق گور نر پنجاب چوہدری محمد سرور سے وزیر اعظم کے معاون خصوصی ڈاکٹر شہباز گل کی گورنر ہاوس میں ملاقات  ہوئی ہے جبکہ ملاقات میں سیاسی اور حکومتی امور پر بات چیت کی گئی ہے۔

دوران ملاقات  چوہدری محمدسرور اور شہباز گل کی جانب سے پی ڈی ایم کو 2023 کے عام انتخابات کے انتظار کا مشورہ دینے کا فیصلہ کیا گیا ہے کیونکہ انہوں نے دعویٰ کیا ہے کہ 2023 تک جنوری فروری مارچ آتے رہیں گے حکومت قائم رہے گی ۔

گورنر پنجاب نے کہا ہے کہ وزیراعظم عمران خان شفاف اور بلاتفریق احتساب سے پیچھے نہیں ہٹیں گے تاہم  پی ڈی ایم کے استعفوں سے حکومت نہیں ان کی اپنی اسمبلی رکنیت ختم ہوگی  اور کسی بھی نوعیت کے مسائل کا حل مذاکرات ہیں لانگ مارچ اور دھر نے نہیں ہیں۔

انہوں نے کہا کہ  ملک میں آئین و قانون کی بالادستی کی ذمہ داری حکومت ہر صورت پوری کرے گی کیونکہ کر پشن کے خاتمے اور شفاف احتساب پر کوئی سمجھوتہ نہیں کیا جائے گا۔

انہوں نے واضح کیا ہے کہ موجودہ حکومت ملک میں شفافیت اور میرٹ کو حقیقی معنوں میں یقینی بنا رہی ہےتایم یہ واضح ہے ک عوام اپوزیشن نہیں حکومت کے ملکی ترقی کے بیانیے کے ساتھ کھڑی ہے۔