جب تک حکومت ہے میں بھی اسی میں رہوں گا، اعظم سواتی

عروبہ خان

23rd Jan, 2021. 03:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جب تک حکومت ہے میں بھی اسی میں رہوں گا، اعظم سواتی

وفاقی وزیر ریلوے اعظم سواتی نے کہا ہے کہ جب تک حکومت ہے میں بھی اسی میں رہوں گا پھر چا ہے وہ دو سال چھ ماہ میں ہی ہو۔

تفصیلات کے مطابق پریس کانفرنس کرتے ہوئے وفاقی وزیر ریلوے نے کہا ہے کہ ریلوے میں ایک عشاریہ دو کھرب روپے کا نقصان ہو چکا ہے لیکن اب مجھے نوماہ کا وقت دے دیں، ریلوے کی حالت بدل دوں گا۔

انہوں نے کہا ہے کہ دو ہفتے قبل چیئرمین نیب ملاقات کی اور ریلوے کے سگنل کیس حوالے سے بات کی ہے کیونکہ اس پراجیکٹ میں تین ارب کی کرپشن ہوئی اور چیئرمین نیب نے وعدہ کیا کہ سگنل پراجیکٹ کا فیصلہ ایک ہفتے میں ہو جائے گا۔

ان کا کہنا تھا کہ ریلوے عوام کی ملکیت ہے اور اسے اپنی محنت سے ریلوے کی آمدن کو بڑھائیں گے۔

وفاقی وزیر نے کہا ہے کہ ریلوے کا فریٹ 19 ارب سے 36 ارب روپے پر لے جاؤں گا اور مسافروں کو حفاظت کے لئے کام کروں گا لیکن ریلوے کی بہتری کے لئے ٹائم فریم نہیں دے سکتے ہیں۔