بینکاری کے عمل کو عام آدمی کے لئے آسان بنایا جائیگا، گورنر اسٹیٹ بینک

عروبہ خان

18th Feb, 2021. 01:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بینکاری کے عمل کو عام آدمی کے لئے آسان بنایا جائیگا، گورنر اسٹیٹ بینک

گورنر اسٹیٹ بینک رضا باقر نے کہا ہے کہ اسٹیٹ بینک آف پاکستان بینکاری کے عمل کو آسان بنانے کے لئے اپنا کردار ادا کریگا۔

تفصیلات کے مطابق روشن ڈیجیٹل پروگرام کی تقریب سے خطاب کرتے ہوئے گورنر اسٹیٹ بینک رضا باقر نے کہا ہے کہ وزیراعظم عمران خان کے وژن سے روشن ڈیجیٹل اکاونٹ کامیاب ہوا ہے، بیرون ممالک مقیم پاکستانیوں کوروشن ڈیجیٹل اکاونٹ کوآزمانا چاہئیے انہیں مایوسی نہیں ہوگی۔

رضا باقر نے کہا ہے کہ روشن ڈیجیٹل اکاونٹ سے متعلق ٹیکسیشن کے مسائل کو حل کرلیاگیاہے، سمندرپارپاکستانیوں کوسرمایہ کاری پرصرف سورس پرٹیکس دینا ہوگا انہیں منافع پر ریٹرن فائل کرنے کی ضرورت نہیں ہوگی۔

انہوں نے کہا ہے کہ وزیراعظم عمران خان نے حکومت اور اسٹیٹ بینک کوعام آدمی کوآسانیاں فراہم کرنے کی ہدایت کی تھی، اسٹیٹ بینک اپنا کرداراداکررہا ہے، روشن ڈیجیٹل اکاونٹ اورسستے گھروں کیلئے رعایتی قرضہ جات کی فراہمی اسی سلسلے کی کڑیاں ہیں۔

یاد رہے کہ وزیراعظم عمران خان اس موقع پرمہمان خصوصی تھے، گورنر اسٹیٹ بینک نے روشن ڈیجیٹل اکاونٹ کے آغازمیں معاونت فراہم کرنے پروزیراعظم ، وزیرخزانہ، ایف بی آر، وزارت خزانہ اوربالخصوص سمندرپارپاکستانیوں کاخصوصی طورپرشکریہ اداکیا