نیب نے اسپیکر سندھ اسمبلی اور دیگر پیپلزپارٹی رہنماؤں کے گرد گھیرا تنگ کرلیا

نیب نے اسپیکر سندھ اسمبلی اور دیگر پیپلز پارٹی رہنماؤں کے گرد گھیرا تنگ کرلیا

محمد

23rd Feb, 2021. 03:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیب نے اسپیکر سندھ اسمبلی اور دیگر پیپلز پارٹی رہنماؤں کے گرد گھیرا تنگ کرلیا

قومی احتساب بیورو(نیب) نے اسپیکر سندھ اسمبلی آغا سراج درانی سمیت دیگر پیپلزپارٹی رہنماؤں کے گرد گھیرا تنگ کرلیا ہے۔

تفصیلات کے مطابق نیب نے بینظیر بھٹو لیاری یونیورسٹی میں من پسند افراد کو ملازمتیں دینے کی سفارش کرنے کے حوالے سے پیپلز پارٹی رہنماؤں کو نوٹسز جاری کردیے ہیں۔

نیب کراچی کی جانب سے آغا سراج درانی، وزیر اعلیٰ سندھ کے مشیر نثار کھوڑو، سابق وزیر تعلیم پیر مظہر الحق، نبیل گبول ، ثانیہ ناز، جاوید ناگوری اور سلیم ہنگورو کو نوٹسز دے کر طلب کرلیا گیا ہے۔

سیاسی رہنماؤں پر الزام ہے کہ انہوں نے بینظیر بھٹو لیاری یونیورسٹی میں ملازمتیں دلانے کے لیے وائس چانسلر کو سفارشی خط لکھے ہیں۔

نیب کراچی 2016 سے لیاری یونیورسٹی میں 100 سے زائد مبینہ غیر قانونی بھرتیوں کے معاملے کی تحقیقات کر رہا ہے۔

بھرتیوں میں سیاسی رہنماؤں کے من پسند افراد کے علاوہ بڑے پیمانے پر فیکلٹی ممبران اور وائس چانسلر کے قریبی رشتہ داروں کو ملازمتوں پر بغیر اشتہار، ٹیسٹ اور انٹرویو کے بھرتی کیا گیا ہے۔