وزیراعظم عمران خان نے کہا ہے کہ وفاقی حکومت خیبر پختونخوا میں سیاحت کے فروغ اور جنگلات اور ماحولیات کے تحفظ کے لئے ہرممکن مدد فراہم کرے گی۔

تفصیلات کے مطابق وزیراعظم سے پارلیمینٹیرینز کی ملاقات ہوئی ہے، اس موقع پر اراکین کی استدعا پر وزیر اعظم نے سوات موٹر وے کی مزید توسیع کی بھی یقین دہانی کروائی ہے۔

وزیر اعظم نے صاحب زادہ محبوب سلطان کی استدعا پر جھنگ میں نئے ڈسٹرکٹ ہیڈ کوارٹر اسپتال کی تعمیر اور شفیق آرائیں کی استدعا پر لودھراں بائی پاس کی تعمیر کی یقین دہانی کروائی۔

وزیر اعظم عمران خان سے پارلیمینٹیرینز کی ملاقات pic.twitter.com/M1hJgHIupz

Advertisement

— Prime Minister's Office, Pakistan (@PakPMO) February 6, 2021

شفیق آرائیں نے ملتان لودھراں بائی پاس روڈ کی آپ گریڈیشن پر وزیر اعظم کا شکریہ ادا کرتے ہوئے حیدر علی نے کے پی کے اور سوات میں سیاحت کے فروغ کے لئے اٹھائے گئے اقدامات سے آگاہ کیا۔

پرنس نواز الائی نے بٹ گرام میں گرڈ سٹیشن اور روڈ کی تعمیر کی منظوری پر ان کا شکریہ ادا کیا جس سے یہاں سیاحت کے فروغ اور روزگار کے مواقع میسر آئیں گے۔

اراکین کی استدعا پر وزیراعظم نے سروے آف پاکستان کو ہدایت کی کہ وہ فوری طور پر بٹ گرام اور کوہستان کے اضلاع کی حد بندی کا نوٹیفکیشن جاری کرے۔

یاد رہے کہ ملاقات میں وزیر سیفران صاحب زادہ محبوب سلطان،اراکین اسمبلی میاں شفیق آرائیں، ملک عمراسلم،محمد عامرسلطان، پرنس نواز الائی، حیدر علی خان، پنجاب کےصوبائی وزیرسرڈار آصف نکئی، ایم پی اے زبیر احمد شامل تھے جبکہ اس موقع پر وزیر اعظم کے معاون خصوصی ملک عامر ڈوگر بھی موجود تھے۔