توانائی مارکیٹ کو استوار کرنے کیلئے اقدامات کئے جا رہے ہیں، عمر ایوب

عروبہ خان

17th Feb, 2021. 01:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

توانائی مارکیٹ کو استوار کرنے کیلئے اقدامات کئے جا رہے ہیں، عمر ایوب

وفاقی وزیر برائے توانائی عمر ایوب نے کہا ہے کہ توانائی مارکیٹ کو جدید خطوط پر استوار کرنے کیلئے اقدامات کئے جا رہے ہیں۔

تفصیلات کے مطابق وفاقی وزیر توانائی عمر ایوب کی متحدہ عرب امارات اور عوامی جمہوریہ چک کے سفیر سے الگ ملاقاتیں ہوئی ہیں۔

دونوں ملاقاتوں میں توانائی سیکٹر سمیت امارات کیساتھ توانائی اور پٹرولیم سیکٹر میں تعاون کو مزید فروغ دینے پر بھی تبادلہ خیال کیا گیا ہے۔

وفاقی وزیر نے کہا ہے کہ ہماری حکومت طویل مدتی پاور جنریشن پلان لا رہی ہےجبکہ انڈیکٹو پاور جنریشن پلان بجلی کی طلب، وقت اور جگہ کو مدنظر رکھتے ہوئے بنایا گیا ہے۔

عمر ایوب نے بتایا ہے کہ 15 تیل و گیس بلاکس کے بعد مزید آن شور بلاکس بھی نیلام کئے جائیں گے۔

ان کا کہنا تھا کہ ملک میں ای اینڈ پی سرگرمیوں میں سرمایہ کاری کیلئے وسیع مواقع موجود ہیں اور قابل تجدید توانائی کے منصوبوں میں بھی سرمایہ کاری کے مواقع فراہم کئے جا رہے ہیں۔

انہوں نے کہا ہے کہ ہماری حکومت نے توانائی شعبے میں سرمایہ کاری کو فروغ دینے کیلئے مسابقتی مارکیٹ اور کاروبار میں سہولت جیسی پالیسیوں کا قیام عمل میں لائی ہے۔