سی ٹی ڈی اور وفاقی حساس ادارے کی مشترکہ کارروائی

شعیب برنی

02nd Mar, 2021. 01:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سی ٹی ڈی اور وفاقی حساس ادارے کی مشترکہ کارروائی

FIR registered against arrest terrorist by CTD

کراچی میں سی ٹی ڈی اور وفاقی حساس ادارے کی مشترکہ کارروائی کے نتیجے میں یونیورسٹی روڈ موسمیات چورنگی سے ایس آر اے کے مبینہ دہشتگرد کو گرفتار کر لیا گیا ہے۔

تفصیلات کے مطابق کراچی میں یونیورسٹی روڈ موسمیات چورنگی سے ایس آر اے کے مبینہ دہشتگرد کو گرفتار کر لیا ہے جبکہ گرفتار ملزم سجاد عرف ببلو سندھ ریولوشنری آرمی کا تربیت یافتہ دہشتگرد ہے۔

اس ضمن میں سی ٹی ڈی کے مطابق ملزم کے قبضے سے ہینڈ گرنیڈ بھی برآمد ہوا ہے جبکہ 19 جون 2020 کو ملزم نے لیاقت آباد میں رینجرز موبائل پر حملے میں معاونت بھی کی ہے۔

یاد رہے کہ حملے میں ایک شخص جاں بحق ہو گیا تھا جبکہ رینجرز اہلکار سمیت 7افراد زخمی ہوئے تھے۔

8جولائی 2020 کو ملزم نے ریٹائرڈ رینجرز افسر ملک عاشق کی دکان پر حملہ کیا جبکہ حملے میں ریٹائرڈ رینجرز اہلکار جاں بحق ہوا تھا اور 14 اگست کو قیادت کے احکامات پر چائنیز وین پر حملے کی منصوبہ بندی کی گئی تھی جو کہ قانون نافذ کرنے والے اداروں کے چھاپوں کی وجہ سے عمل درآمد نہ ہوسکا تھا۔

نیاز لاشاری کی ہلاکت کے بعد قیادت نے بدلہ لینے کے احکامات دیئے ملزم اور اس کے ساتھی جاوید منگریو کی بشیر شر سے محمد خان گوٹھ میں ملاقات ہوئی تھی جس میں ایئرپورٹ کے قریب ملیر کینٹ پر رینجرز کی چیک پوسٹ پر حملہ کا منصوبہ بنایا جو کہ جاوید منگریو کی جانب سے ہینڈ گرنیڈ فراہم نہ کرنے کی وجہ سے حملہ ملتوی کردیا تھا۔