اپوزیشن لیڈر سندھ اسمبلی حلیم عادل شیخ نے کہا ہے کہ پیپلز پارٹی کی سیاست نے ان کے بانیوں کو شرمندہ کردیا ہے۔
تفصیلات کے مطابق حلیم عادل شیخ نے میڈیا سے بات چیت کرتے ہوئے کہا ہے کہ پیپلز پارٹی نوٹوں اور ووٹوں کی سوداگر ہے لیکن پی ٹی آئی اراکین کبھی نہیں بکیں گے۔
حلیم عادل شیخ کا کہنا تھا کہ سندھ اسمبلی میں دھینگا مشتی اور ہارس ٹرینڈنگ کرنے والوں کو نااہل کرائیں گے۔
انہوں نے کہا ہے کہ مجھے جان بوجھ کر تاخیر سے بھیجا گیا ہے کیونکہ اگر میں صبح آتا تو اپوزیشن کی مشترکہ حکمت عملی تیار کرتا۔
ان کا کہنا تھا کہ کل کے واقعے کی ذمے داری وزیراعلیٰ سندھ پر عائد ہوتی ہے اور میری تاخیر میں بھی وزیر اعلیٰ، آئی جی اور ایڈیشنل آئی جی ذمہ دار ہیں کیونکہ مجھ سے سندھ حکومت خوفزدہ ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
