آرمی چیف جنرل قمر جاوید باجوہ کا کہنا ہے کہ نیشنل سیکیورٹی ڈائیلاگ وقت کی اہم ضرورت ہے ۔
اسلام آباد نیشنل سیکیورٹی ڈائیلاگ کی تقریب سے خطاب کرتے ہوئے آرمی چیف جنرل قمر جاوید باجوہ کا کہنا تھا کہ کوئی بھی قوم اکیلے دہشتگردی کا مقابلہ نہیں کرسکتی۔
جنرل قمر جاوید باجوہ نے کہا کہ آج دنیا کو مختلف طرز کی دہشت گردی کا سامنا ہے، ان چیلنجز سے نبرد آزما ہونے کے لیے ہمہ جہت حکمت عملی اپنانے کی ضرورت ہے۔
انہوں نے کہا کہ موجودہ حالات میں پاکستان کو بھی کئی سیکیورٹی چیلنجز کا سامنا ہے۔نیشنل سیکیورٹی ڈائیلاگ وقت کی اہم ضرورت ہے ۔
آرمی چیف کا کہنا تھا کہ پاکستان خطے میں سیکیورٹی خطرات کے باوجود دفاع کے اوپر کم خرچ کررہا ہے، سیکیورٹی پر اخراجات بڑھانے سے انسانی ترقی کی قربانی دینا پڑتی ہے ۔
جنرل قمر جاوید باجوہ نے کہا کہ خطے میں امن ہوگا تومعیشت مضبوط ہوگی اور تمام ممالک امن سے رہ سکیں گے لیکن مسئلہ کشمیر کے منصفانہ حل کے بغیر خطے میں امن کا قیام ممکن نہیں ہے۔ افغانستان میں امن بھی خطےمیں امن کی ضمانت ہے۔
انہوں نے کہا کہ پاکستا ن اور بھارت میں کشیدگی کی بڑی وجہ مسئلہ کشمیر ہے، ہم چاہتے ہیں کشمیر کا مسئلہ کشمیریوں کی امنگو ں کے مطابق حل ہو۔
آرمی چیف کا کہنا تھا کہ پاکستان خطے میں ایک ذمہ دار ملک ہے ۔خطے میں قیام ا من سے دیگر ممالک کی خوشحالی جڑی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News