این سی او سی کی جانب سے ملک بھر میں معاشی اور معاشرتی سرگرمیوں پر پابندیاں عائد کرنے کا عندیہ دے دیا گیا ہے۔

تفصیلات کے مطابق وفاقی وزیر اسد عمر کی زیر صدارت این سی او سی کا اجلاس منعقد ہوا ہے۔

اجلاس میں شہروں کی جانب سے ایس او پیز کا خیال نہ رکھنے پر این سی او سی کی جانب سے شدید تحفظات کا اظہار کرتے ہوئے ہدایات جاری کی ہیں کہ صوبائی حکومتیں کورونا ایس او پیز پر عمل درآمد کو یقینی بنانے کے لیے سخت اقدامات اٹھائیں۔

اجلاس میں بریفنگ کے دوران بتایا گیا ہے کہ ہیلتھ گائیڈ لائینز پر عمل درآمد کا جامع جائزہ لینے کی ضرورت ہے کیونکہ تمام بڑے شہروں میں مثبت کیسز کی شرح 5 فیصد تک پہنچ چُکی ہے اور ماسک کے استعمال اور سماجی فاصلوں کی خلاف ورزیاں رپورٹ ہورہی ہیں۔

دوران اجلاس بریفنگ میں بتایا گیا ہے کہ مثبت کیسز کی شرح 7.5 فیصد سے بھی زائد ہوچُکی ہے۔

این سی او سی کی جانب سے ملک بھر میں کورونا کی بڑھتی ہوئی شرح اموات اور مثبت کیسز پر شدید تحفظات کا اظہار کرتے ہوئے شہریوں سے ایس او پیز پر عمل کرنے کی درخواست کی گئی ہے۔

این سی او سی کا کہنا ہے کہ شہری ایس او پیز پر عمل کرکے ایک بار پھر بہترین مثال قائم کرسکتے ہیں تاہم شہریوں کی جانب سے تعاون نہ کرنے کے نتیجے میں معاشی اور معاشرتی سرگرمیوں پر پابندیاں عائد کی جاسکتی ہیں۔

علاوہ ازیں اتوار اور قومی تعطیلات کے دوران ملک بھر میں قائم ویکسینشن سینٹرز بند رکھنے کا فیصلہ کیا گیا ہے۔