پاکستان پیپلز پارٹی کے شریک چیئرمین آصف زرداری نے مسلم لیگ ن کے رہنما نواز شریف سے استدعا کی ہے کہ ’ میاں صاحب پلیز پاکستان تشریف لائیں‘۔

تفصیلات کے مطابق سابق صدر مملکت آصف زرداری کےپی ڈی ایم سربراہی اجلاس میں نواز شریف سے گفتگوکےنکات سامنے آگئے۔

پی ڈی ایم کے سربراہی اجلاس میں آصف زرداری نے کہا کہ اپنی زندگی کے 14 برس جیل میں گزارے ہی۔ اگر لڑنا ہے تو ہم سب کو جیل جانا پڑے گا،  میاں صاحب پلیز پاکستان تشریف لائیں۔

آصف زرداری نے کہا پیپلزپارٹی اسمبلیوں سے استعفےنہی دے گی۔ نوازشریف جنگ کے لیے تیارہیں تووطن واپس آناہوگا۔ میاں صاحب واپس آئیں گے تو استعفےآپ کےپاس جمع کروائیں گے۔

انہوں نے شکوہ کیا کہ ہم سینیٹ انتخابات لڑےاوراسحاق ڈارووٹ ڈالنےنہیں آئے۔ پہلی بار نہیں ہے کہ جمہوری قوتوں نےدھاندلی کاسامنا کیا ہوا۔

سابق صدر کا کہنا تھا کہ  جدوجہدذاتی عنادکےبجائےجمہوری اداروں کےاستحکام  کے لیے ہو نی چاہیے۔

آصف زرداری نے کہا کہ  میاں صاحب، آپ کیسے عوامی مسائل حل کریں گے؟  آپ نے اپنے دور میں تنخواہوں میں اضافہ نہیں کیا۔میں نے اپنے دور میں تنخواہوں میں اضافہ کیا۔

انہوں نے کہا کہ ہمیں لانگ مارچ کی منصوبہ بندی 1986 اور 2007 جیسی کرناہوگی۔ ہم اپنی آخری سانس تک جدوجہد کے لیے تیار ہیں۔

سابق صدر نے کہا کہ میں نےپارلیمان کواختیارات دیے،18 ویں ترمیم اور این ایف سی ایوارڈمنظورکیاجس کی سزادی گئی۔

آصف زرداری کا مزید کہنا تھا کہ  اسمبلیوں کوچھوڑنا عمران خان کومضبوط کرنےجیساہے۔ ایسےفیصلےنہ کیےجائیں جس سےہماری راہیں جداہوجائیں،ہماراانتشارجمہوریت کےدشمنوں کوفائدہ دےگا۔

انہوں نے کہا کہ  پیپلزپارٹی جمہوری پارٹی ہے،  ہم پہاڑوں پرنہیں بلکہ پارلیمان میں رہ کرلڑتےہیں۔ پیپلزپارٹی کسی بھی صورت اسمبلیوں کونہیں چھوڑےگی۔