پاک فضائیہ کا 1965 کی جنگ کے ہیرو ایم ایم عالم کو خراجِ عقیدت

احمد منصور

18th Mar, 2021. 02:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فضائیہ کا 1965 کی جنگ کے ہیرو ایم ایم عالم کو خراجِ عقیدت

پاک فضائیہ نے 1965 کی جنگ کے ہیرو ایم ایم عالم کو ان کی آٹھویں برسی پر خراجِ عقیدت پیش کیا ہے۔

پاک فضائیہ کی جانب سے جاری کردہ پیغام میں کہا گیا کہ پاک فضائیہ 1965 کی جنگ کے ہیرو ائیر کموڈور محمد محمود عالم (مرحوم) کو ان کی آٹھویں برسی پر خراجِ عقیدت پیش کرتی ہے۔

ایم ایم عالم نے 1965 کی جنگ کے دوران ایک منٹ میں بھارتی فضائیہ کے 5طیاروں کو گرانے کا شاندار کارنامہ سر انجام دیا تھا۔

پاک فضائیہ کے مایہ ناز ہواباز نے اپنے ایف 86 طیارے میں پرواز کرتے ہوئے 5 بھارتی لڑاکا طیاروں کو ایک منٹ میں تباہ کیا اور گیارہ روزہ جنگ میں کل 9 بھارتی طیاروں کو تباہ کیا جو کہ آج تک ایک ناقابلِ شکست ریکارڈ ہے۔

ایم ایم عالم کی ان بہادرانہ خدمات کے اعتراف میں حکومت نے انہیں دو مرتبہ ستارۂ جرأت سے نوازا۔

ایم ایم عالم اس وقت سرخیوں کی زینت بنے جب انہوں نے اپنے ایف 86 طیارے سے فضائی معرکے میں 9 بھارتی ہاکر طیاروں کو تباہ کیا۔

ایم ایم عالم علالت کے باعث 18مارچ 2013 کو کراچی میں اپنے خالقِ حقیقی سے جا ملے۔