پاک فضائیہ کے سربراہ ایئر چیف مارشل کی سربراہ پاک بحریہ سے الوادعی ملاقات

عروبہ خان

01st Mar, 2021. 12:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فضائیہ کے سربراہ ایئر چیف مارشل کی سربراہ پاک بحریہ سے الوادعی ملاقات

پاک فضائیہ کے سربراہ ایئر چیف مارشل مجاہد انور خان کی سربراہ پاک بحریہ سے نیول ہیڈ کوارٹرز اسلام آباد میں الوادعی ملاقات ہوئی ہے۔

اس ضمن میں ترجمان پاک بحریہ کا کہنا ہے کہ نیول ہیڈ کوارٹرز آمد پر امیر البحر نے ایئر چیف کا استقبال کیا جبکہ پاک بحریہ کے چاق و چوبند دستے نے ایئر چیف مارشل مجاہد انور خان کو گارڈ آف آنر پیش کیا۔

ترجمان پاک بحریہ نے بتایا کہ سربراہ پاک بحریہ نے مہمان نے نیول ہیڈ کوارٹرز میں یادگار شہداء پر پھولوں کی چادر چڑھائی۔

ترجمان کے مطابق پاک فضائیہ کے سربراہ ایئر چیف مارشل نے سربراہ پاک بحریہ سے الوادعی ملاقات کی جبکہ پاک بحریہ کے سربراہ ایڈمرل محمد امجد خان نیازی نے پاک فضائیہ کیلئے ایئر چیف مارشل مجاہد انور خان کی خدمات کوخراج تحسین پیش کیا۔

نیول چیف نے ملکی سمندری سرحدوں کے دفاع میں پاک بحریہ کی معاونت اور مسلح افواج کے مابین ہم آہنگی کے فروغ کیلئے ایئر چیف مارشل مجاہد انور خان کی کاوشوں کو سراہا۔

ایئر چیف نے پیشہ وارانہ امور میں پاک بحریہ کے بھر پور تعاون کی تعریف کی اور نیک خواہشات کے اظہار پر نیول چیف کا شکریہ ادا کیا۔