سیدو شریف ایئرپورٹ، پی آئی اے کو پروازوں کی اجازت مل گئی

عروبہ خان

20th Mar, 2021. 01:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیدو شریف ایئرپورٹ، پی آئی اے کو پروازوں کی اجازت مل گئی

سول ایوی ایشن اتھارٹی کی جانب سے پی آئی اے کو سیدو شریف ایئرپورٹ کے لیے پروازوں کی اجازت دے دی گئی ہے۔

سی اے اے کے مطابق پی آئی اے 26 مارچ سے اسلام آباد اور لاہور سے ہفتہ وار 2 پروازیں سیدو شریف ایئرپورٹ کے لئے آپریٹ کرے گی۔

اس ضمن میں سی اے اے کا کہنا ہے کہ پی آئی اے کی درخواست پر سیدو شریف ایئرپورٹ پر انتظامات مکمل کرلیے ہیں جس کے بعد پی آئی اے 26 مارچ سے سیدو شریف ایئرپورٹ کے لئے فلائٹ آپریشن شروع کرے گی۔

سی اے اے کا کہنا ہے کہ سیدو شریف ایئرپورٹ پر فضائی آپریشن سے متعلق ایئر ٹریفک کنٹرولر، اے ایس ایف اور دیگر کو آگاہ کردیا ہے۔

خیال رہے کہ سیدو شریف ایئرپورٹ پر ترقیاتی کاموں کے لئے سول ایوی ایشن نے خطیر رقم خرچ کی ہے جس میں ایئرپورٹ رن وے، گاڑیوں کی پارکنگ اور دیگر کی تزئین و آرائش کی گئی ہے۔

یاد رہے کہ وزیراعظم عمران خان نے سیاحت کے فروغ کے لیے سوات آنے والے سیاحوں کے لیے سیدو شریف ایئرپورٹ سے پروازیں چلانے کی ہدایت کی تھی۔