وزیرخارجہ کل 3 روزہ دورے پر تاجکستان روانہ ہوں گے

عروبہ خان

28th Mar, 2021. 04:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیرخارجہ کل 3 روزہ دورے پر تاجکستان روانہ ہوں گے

ترجمان دفتر خارجہ ڈاکٹر زاہد حفیظ چوہدری نے کہا ہے کہ ہارٹ آف ایشیاء وزارتی اجلاس میں شرکت کے لئے وزیرخارجہ کل 3 روزہ دورے پر تاجکستان روانہ ہوں گے۔

تفصیلات کے مطابق وزیرخارجہ شاہ محمود قریشی، تاجکستان کے 3 روزہ دورے کے لئے کل روانہ ہونگے جہاں وہ تاجک ہم منصب کے ساتھ دوطرفہ مزاکرات بھی کریں گے۔

اسکے علاوہ تاجکستان میں ہارٹ آف ایشیاء اعلیٰ حکام کا اجلاس کل منعقد ہوگا جس میں وزیر خارجہ شاہ محمود قریشی 30 مارچ کو شرکت کریں گے۔

وزیرخارجہ کانفرنس سے خطاب میں افغان امن عمل میں پاکستان کے کردار کو اجاگر کریں گے اور ریجنل فریم ورک کےاندر کونیکٹیویٹی اور افغانستان کی ترقی پر بھی روشنی ڈالیں گے۔

کانفرنس کی سائیڈلائن پر وزیرخارجہ اہم علاقائی و بین الاقوامی شراکتداروں سے مشاورتی ملاقاتیں کریں گے۔

یاد رہے کہ ہارٹ آف ایشیاء استنبول پراسیس کا آغاز 2011 میں ہوا تھا اور اس کا مقصد علاقائی تعاون،اعتماد کی بحالی کے اقدامات اور مذاکرات کے ذریعہ افغانستان میں امن و استحکام و خوشحالی کا فروغ ہے۔