ازبکستان کے وزیر خارجہ آج دو روزہ دورے پر پاکستان پہنچیں گے

انور عباس

09th Mar, 2021. 06:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ازبکستان کے وزیر خارجہ آج دو روزہ دورے پر پاکستان پہنچیں گے

ازبکستان کے وزیر خارجہ عبدالعزیز کاملوو آج دو روزہ دورے پر پاکستان پہنچیں گے۔

ترجمان دفتر خارجہ زاہد حفیظ چوہدری کے مطابق وزیر خارجہ شاہ محمود قریشی ازبک وزیر خارجہ سے باہمی تعلقات،علاقائی مسائل اور بین الاقوامی امور پر مشاورت کریں گے۔

زاہد حفیظ چوہدری کا کہنا ہے کہ قیادت کے ویژن کے مطابق پاکستان کی توجہ اقتصادی تعلقات میں توسیع،امن،ترقی اور باہمی منسلکی پر ہو گی۔

انہوں نے مزید کہا ہے کہ پاکستان کے ازبکستان سے مشترکہ عقائد، تاریخ اور ثقافت پر مبنی گہرے تعلقات ہیں۔ یہ تعلقات مختلف شعبوں میں باہمی تعاون کے فروغ کے لیے مظبوط بنیاد فراہم کرتے ہیں۔

ترجمان دفتر خارجہ نے کہا کہ دونوں ممالک اقوام متحدہ،او آئی سی،اقتصادی تعاون تنظیم اور شنگھائی تعاون تنظیم سمیت متعدد عالمی فورمز پرقریبی تعاون رکھتے ہیں۔

زاہد حفیظ چوہدری کا کہنا ہے کہ دونوں ممالک خطے کی باہم منسلکی بالخصوص پاکستان،افغانستان اور ازبکستان کے مشترکہ ٹرانس افغان ریل منصوبے کی جلد تعمیر پرقریبی معاون ہیں۔

انہوں نے بتایا کہ وزیر اعظم کے مشیر برائے تجارت و سرمایہ کاری عبدالرزاق داؤد نے یکم سے 3 فروری تک تاشقند کا دورہ کیا تھا۔ اس دورے کے دوران ٹرانس افغان ریلوے منصوبے کی تعمیر کے روڈ میپ پر تینوں ممالک نے دستخط کیے تھے۔