آرٹیکلز
-
چیف آف ایئر اسٹاف کا وزارت سائنس اینڈ ٹیکنالوجی کا دورہ
-
بابا گرونانک کی 486 ویں برسی، پہلے روز دنیا بھر سے 2 ہزار یاتری کرتارپور پہنچے
-
ایشیا کپ 2025 : فائنل سے قبل بڑا فائنل ، اینڈی پائی کرافٹ میچ ریفری ، پاک بھارت ٹاکرا آج
-
تنازعات عالمی امن کو خطرے میں ڈال رہے ہیں،شہبازشریف، عالمی یوم امن پر پیغام
Advertisement
پاکستان چیف آف ایئر اسٹاف ایئر مارشل مجاہد انور خان کی جانب سے وزارت سائنس اینڈ ٹیکنالوجی کا دورہ کیا گیا ہے۔
اپنے دورہ وزارت سائنس اینڈ ٹیکنالوجی کے دوران ایئر مارشل مجاہد انور خان کی وفاقی وزیر سائنس اینڈ ٹیکنالوجی فواد چوہدری سے ملاقات ہوئی ہے۔
وفاقی وزیر سائنس اینڈ ٹیکنالوجی فواد چوہدری نے سربراہ پاک فضائیہ کو وزارت میں جاری منصوبوں کے بارے میں آگاہ کیا ہے۔
ایئر چیف نے فواد چوہدری کی سربراہی میں وزارت سائنس اینڈ ٹیکنالوجی کی کارکردگی کو سراہا اور ٹیکنالوجی کے شعبہ میں پاک فضائیہ اور وزارت کے مابین باہمی تعاون پر تبادلہ خیال بھی کیا ہے۔
ملاقات میں سول ملٹری انٹرفیس کے فروغ پر تبادلہ خیال کرتے ہوئے ٹیکنالوجی کے شعبہ میں پاک فضائیہ کے بھرپور تعاون کی یقین دہانی کروائی ہے۔
Advertisement
ملاقات میں پاکستان میں سول مقاصد کے لئے ڈرون ٹیکنالوجی میں بھی وزارت اور پاک فضائیہ کے اشتراک پر گفتگو کی گئی ہے جبکہ فواد چوہدری نے زراعت کے شعبہ میں ڈرون ٹیکناکوجی کے استعمال کے بارے میں آگاہ کیا ہے۔
فواد چوہدری کا کہنا تھا کہ ڈرون ٹیکنالوجی کے ذریعے پاکستان میں زراعت کے شعبہ میں برق رفتار ترقی ممکن ہوسکے گی۔
ملاقات میں سیکریٹری سائنس اینڈ ٹیکنالوجی ڈاکٹر ارشد محمود بھی موجود تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
