پاک بحریہ کا جہاز جزبہ خیرسگالی کا شاندار مظاہرہ کرتے ہوئے کینیا پہنچ گیا

عروبہ خان

31st Mar, 2021. 02:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کا جہاز جزبہ خیرسگالی کا شاندار مظاہرہ کرتے ہوئے کینیا پہنچ گیا

پاک بحریہ کا جہاز پی این ایس نَصر براعظم افریقہ کے مختلف ممالک میں جزبہ خیرسگالی کا شاندار مظاہرہ کرتے ہوئے کینیا پہنچ گیا۔

ترجمان پاک بحریہ کا کہنا ہے کہ کینیا کی بندرگاہ ممباسا پہنچنے پر میزبان بحریہ کے حکام نے پاکستانی سفیر کے ہمراہ جہاز کا والہانہ استقبال کیا۔

ترجمان نے بتایا کہ پاک بحریہ کے مشن کمانڈر کی کمانڈر کینیا نیوی سمیت اعلیٰ سول و عسکری حکام سے ملاقاتیں بھی کیں۔

ترجمان پاک بحریہ نے بتایا کہ ملاقاتوں کے دوران باہمی دلچسپی کے امور اور دوطرفہ بحری تعاون پر تبادلہ خیال کیا گیا۔

مشن کمانڈر نے حکومت پاکستان اور سربراہ پاک بحریہ کی جانب سے کینیا کے عوام کیلٸے خیر سگالی کا پیغام پہنچایا اور مقبوضہ کشمیر میں بھارتی مظالم اور اس پر پاکستانی مؤقف سے بھی میزبان حکام کو آگاہ کیا گیا۔

ترجمان پاک بحریہ کے مطابق اس دورے کا مقصد حکومت پاکستان کی (Engage Africa) پالیسی کے تحت افریقی ممالک کے ساتھ دوطرفہ تعلقات کا فروغ اور باہمی تعاون کی نئی راہیں تلاش کرنا ہے۔