پنجاب میں کورونا ویکسین کی کوئی کمی نہیں ہے، ڈاکٹریاسمین راشد

پنجاب میں کورونا ویکسین کی کوئی کمی نہیں ہے، ڈاکٹر یاسمین راشد

عروبہ خان

31st Mar, 2021. 11:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب میں کورونا ویکسین کی کوئی کمی نہیں ہے، ڈاکٹر یاسمین راشد

صوبائی وزیر صحت ڈاکٹر یاسمین راشد نے کہا ہے کہ پنجاب میں کورونا ویکسین کی کوئی کمی نہیں ہے، ویکسینیشن سینٹرز پر وافر مقدار میں کورونا ویکسین دستیاب ہے۔

تفصیلات کے مطابق صوبائی وزیر صحت ڈاکٹریاسمین راشد نے عوام کے نام اہم پیغام جاری کرتے ہوئے کہا ہے کہ چین سے ویکسین کی 10 لاکھ ڈوز جلد پاکستان پہنچ رہی ہیں۔

ڈاکٹر یاسمین راشد نے کہا ہے کہ محکمہ صحت پنجاب صوبہ بھرمیں کورونا وائرس پر قابو پانے کیلئے تمام تر وسائل بروئے کار لارہا ہے جس کے تحت 50 سال عمر سے زائد افراد کی رجسٹریشن کا عمل شروع کردیا گیا ہے۔

انہوں نے ہدایت کی ہے کہ پہلی ڈوز لگوانے والے بزرگ شہریوں کو دوسری ڈوز 21 دن بعد لگے گی تاہم 10 مارچ کو کورونا ویکسین لگوانے والے بزرگ شہری یکم اپریل کو دوبارہ ویکسین لگوائیں گے۔

انہوں نے بتایا ہے کہ بزرگ شہریوں کی سہولت کیلئے صوبہ بھر میں 126 کورونا ویکسینیشن سینٹرز قائم کیے گئے ہیں جو کہ بزرگ شہریوں کی سہولت کیلئے اتوار والے دن بھی کھلے رہیں گے۔